63

عذراً حبيبي+تعديل بسيط

الاثنين، 27 سبتمبر، 2010
video
عذرا حبيبي ان قصرت  فى حبك يوماُ ، اعلم بخطئ واعرف انى مذنبه

 ذنبي كبيراُ ولكن عندى علتى ، فلتسامحنى ولترحم ضعفى وكسرتى



، اعلم ان ليس للقسوة فى قلبك مكان فلتسامحنى  يا احن عليه من اى انسان



في غيابى عنك  اولع الشوق لهيبي كلما تزكرت كلامك اليه يا حبيبي لم ترحل عن بالى لحظة بين الحين والاخر



، وكنت كل يوم أراك في احلامى ولكن كل هذا لم يعوضنى عنك ، فى بعدك عنى هو الجرح الاكبر



،فهل بعد كل هذه الاعذار ما زال في قلبك ليه ايت اثار لجرحاُ او ألما او بواقى نار



عذرا حبيبي على طول غيبتي بعدي عنك هو فعلاَ علتي فأنا ((أحيا بحبك)) وهذه هى لوعتى

63 اراء تهم احيا بحبك:

mena يقول...

البوست ده انا منزلاه قبل كده بس انا نزلتو المرادى عشان انا حسه بيه اوى وكمان عشان عاوزه حبيبي يشوفو وبجد يسامحنى لانى مقصره ف حقو جامد بليز يا حبيبي سامحنى والله غصب عنى واكيد انت عارف كده وعارف انا بحبك قد ايه

Ahmed يقول...

اولا انا بحجز اول تعليق للكتبتيلو التوبك الرائع ده وطبعا مش محتاج انى اقول انو صادق ومن القلب لان كلنا عرفنا كده خلاص ولكن اسلوب جميل قوي للتعبير عن المشاعر والحب واتصور انو مش ممكن حد يزعل من حد عنده المشاعر المرهفه دي واكيد هو مسامحك طبعا وخصوصا بعد مهيشوف الجمال ده

ساسو يقول...

يا سكره عمر حبيبك ما يقدر يزعل من الرقه دي كلها
احساسك صادق نابع من القلب
وكلماتك مؤثره جدا
ودا دليل علي شده حبك وتمسك بيه
يارب يهديكوا لبعض
ويقرب البعيد
ويجعل السعاده دايما في طريقك
بحبك موووووت يا سكره قلبي

المجهول يقول...

ما أجمل الإعتذار وبالذات حين لا يكون مطلوب من الطرف الآخر .. فمجرد عودتك مسحت كل الذي مضى معه!!

رشا يقول...

السلام عليكم
بعد الكلام ده مش هيزعل منك
ولاهيفكر انه يزعل منك بعد الكلام الجميل .
ربنا يخليكم لبعض وميحرمكمش ابدا من بعض.
وتقبلي مروري.
سلامي

(¯`·._.·TIGER·._.·'¯) يقول...

توبيك جميل جداً يا منه وان شاء الله حبيبك ميكنش زعلان مع ان مش من عادته انه ميزعلش بس عادى يا ستى ربنا يهدى سركم هههههههههه

بــــ الخطاب ــن يقول...

اللى بيحب بيسامح
وهو اكيد لو شاف الكلام الجميل ده هايسامحك
تمنياتى بالتوفيق

mena يقول...

ahmed.........

ميرسي لزوقك ورقتك وبجد

الكلام ده كتير عليا

اما بالنسبه للتعليق

الاول انا اخدتو منو

فعلا بس بالتليفون و

الحمدلله اول ما كلمنى

قالى مقدرش ازعل منك

يا منتى وفرح موت

بالبوست والسونجايه كمان

وبجد متشكرة موت ليك يا احمد

mena يقول...

ساسو.......
يا حياتى ربنا يخليكى ليه

والله انا كمان بموت فيكى

ويارب يسمع من بوقك ربنا

يهدينا ويقرب البعيد ويعد طرقنا

اجمل دعوه سمعاتها من ارق بنوته

يخليكى ليه يا قمر وميحرمنيش منك

ابدا عشان انا بجد بموووووووت فيكى

محمد التركى يقول...

السلامو عليكم

بسم الله ماشاء الله

تعبيرات جميله وأعتذار اجمل
من شخصيه أجمل

أول زياره ليا وبأذن الله مش هتكون الاخيره

تقبلى مرورى

تحياتى لقلبك الجميل

محمـــد التركـــى

mena يقول...

المجهول.......

مير سي لزوقك وميرسي

انك جيت ورديت وياريت

ديما كده تفضل متابعنى

ومتزهقش من كتاباتى

لان بفرح بوجودك

روبنا يعدك ويوفقك

mena يقول...

رشا......

والله انتى بنوته زى العسل ربنا

يخليك يا قمر متشكرا اوى ع

كلامك الحلو ده وهتناكى ديما

تنورنينى وربنا معاكى ويوفقك يا قمرايه

mena يقول...

تايجر.......
ميرسي ربنا يخليك واكيد انت الوحيد اللى فاهم بجد ما انت عارف اللى فيه
مقموص كل العاده هههههههه بس المرادى انا بجد غلطانه وهو بقى ياسيدى كان سايق الدلال بس على مين ده انا منه ههههههههههههههههه منور يا قمر

mena يقول...

بــــ الخطاب ــن .........

ربنا يخليك وهو الحمدلله

شاف البوست سامحنى

الحمدلله متشكرة اوى

لزيارتك الجميله و

ارائك الاجمل بالتوفيق دوما

mena يقول...

محمد التركى.........

اولا منور المدونة كلها

ثانيا سعيده جدا بالزياره دى

ثالثا والاهم انك كنت بتيجى هنا زمان

بس مره وحده كده قطعت وانا حزينه

اوى انك كمان نسيت مدونتى بس الحمدلله

انك رجعت من تانى

رابعا ميرسي لزوقك ورد الجميل ويارب

متغيبش تانى

كلام من قلبي يقول...

حلوة اوي بجد
تحفة جدا
تسلم ايدك
وهوة معقول حد يسمع الكلام الجميل دا وما يسمحش

sendbad يقول...

ربنا يديم عليكم الحب الجميل ده
ومفيش اجميل من اعتذار رقيق يتبعه ابتسامة رقيقةوينتهي كل شئ
ادام الله عليكي هذه الرقة
تحياتي

محمد التركى يقول...

أنا أسف فعلا أنا كنت بدخل المدونه فعلآ
مش عارف أزاى نسيت

سامحينى مرت بظروف تنسى الواحد أهله
بعيد عنك
ربنا يبارك فيكى يارب

أنا أسف أنى نسيت
بس المهم أنى هتابعك على
طـــــــــــــــــــــــــول
بأذن الله


أتمنى التواصل بينا
ربنا يديم الود الصادق

تحياتى لقلبك الطيب
ولشخصك الكريم

محمـــد التركـــى

amiralcafe يقول...

اجمل احساس واجمل اعتذار
زعل الحبيب كاكل الزبيب*العنب المجفف*
رؤوف مرخبا بكم في مدونتي

mena يقول...

كلام من القلب .....

ميرسي يا قمرى لكلامك

الرقيق نورتى مدونتى

والبوست ونورتى قلب

صحبت المدونة يارب ما

يحرمنى من زيارتك ابدا

mena يقول...

سندباد...

ربنا يخليك يا قمر

وميرسي لزوقك وميرسي

انك جيت ونورت التوبيك

بتعليقك الجميل ده دومت

بخير وسعاده وربنا يوفقك

mena يقول...

محمد التركى ........

بتتاسف على ايه عيب عليك

يا راجل احنا اخوات و

انت تيجى وتنور ف اى

وقت انا اشتركت عندك

انت كمان اشترك عندى

عشان منتوهش من بعض

تانى ويارب يديم الود

ديما وربنا يوفقك

mena يقول...

amiralcafe........

ميرسي لزوقك

وانا اكيد

عارفه الزبيب

ههههه نورت

ومتحرمناش من

كومنتاتك الحلوة دى

همسات وبحــ الحياه ــر يقول...

يابت ماانا حطاكى عندى فى الريدر البتاع دا بيهيس والله

استنى بقى اشوف البوست واجى

همسات وبحــ الحياه ــر يقول...

ياواد انت ياواد حلو اوى

حلو ان الواحد ان اخطأ فى حق حبيبه يعتذر بس بقولك ايه متاخديش على كدا
هو لو زعل من العثل دا يبقى مبيفهمش ههه

عمرو يسرى يقول...

معلش متاخر دايما وعارف انى مقصر اسف اعذرينى اسف سامحينى

طبعا كلام جميل واحساس صادق
ربنا يخليكم لبعض

mena يقول...

همسات وبحــ الحياه ــر ......

امال مش بتيجى ليه

ممكن يكون بيهيس فعلا ههههههههه

عموما خلاص سمحتك سمحتك بقلبي الكبير

mena يقول...

همسات وبحــ الحياه ــر ......

انا نسيت بعد كده اسمك هيبقى سماسم

اظن انتى عارفه ليه ولو مش عارفه ابقى

قوليلى اقولك ليه او اسألى محمود

الباحث عن الحب ههههههههه يا سماسم

انت ياسماسم يا ابو السماسيم بموت

فيكى والله

mena يقول...

عمرويسري........

متعتزر ومتتأسفش انا والله

عزراك ومسمحاك والله مش اكتر

من انى ببقى عاوزة اطمن

عليكو واعرف اخبركو ويهمنى

رأيكو فمواضيعى مش

اكتر والله يا عمور

جايدا العزيزي يقول...

منه

تصدقى بالله انا قريت البوست

وعلقت عليه

انتى عارفه انى ما اقدرش اتأخر عليكى ابدا

بس اظاهر حصل لخبطه من عندى

وقفلت الصفحه قبل ما ارسل التعليق

ولو مش مصدقانى

بس فى الزيارات عندك

هتلقينى دخلتلك كتير


جميل جدا البوست ياقلبى

بس اعتقد انك نشرتيه قبل كدة

اهم حاجه عجبانى فيه

انه خارج من القلب

تحسى كدة انه طبيعى وكله احساس


وكل اللى يقراه هيقول

قدايه انسانه قلبها رقيق

وحبيبك كمان لازم يسامحك

ربنا يسعدك يا منه

انت عارفه مستحيل اتأخر عليك

وحشانى موووووووووت


تحياتى

جايدا العزيزي يقول...

منه

لو كنتى تقصدى بالتعديل رساله الترحيب

جميله اووووووووى حاولت اعملها عندى ما عرفتش

اما تدقيق الكلامات فلغياه عندى

علشان اسهل التعليق على المدونين

كتير بينقطنى

وفيه مدونات بيظهر لكن ادور على ارسال ما فيش

وده لما بيكون النت بطئ


هو افيد بالنسبه لمؤشرات البحث

وبعدين نتعب علشان عيونك يا جميل

اسيبك بقى ياقمر

علشان معاد السندوتشات ولبس المدارس

وحشانى موووووووووت


تحياتى

mena يقول...

ربنا يخليك يا جايدا يا حياتى والله انا

بموت فيكى وبعدين ولا يهمك انا بس بفرح

بتعليقك انتى بجد اغلى انسانه على

قلبي وربنا يعلم بده وربنا معاكى

وربنا يخليهملك ويحميهم وصدقينى والله

انا مصدقاكى وبتحصل معايه كتير بعلق

وبلاقي التعليق منزلش تقريبا بقى يا

النت بهيس يالا احنا بننسي ندوش نشر

التعليق الزهيمر بقى ههههههههه

بكر أحمد يقول...

الله عليك يا منه

دائما مميزة ورائعة .

موجة يقول...

جميل اوووى يا منة الكلمات والاحساس الرائع الهادى بالاعتذار
انتى جميلة وتستاهلى كل خير

mena يقول...

بكر ......

ربنا يخليك ده بس من زوقك

وبعدين احنا نيجي فيك ايه

ولا ف كتاباتك الرائعه دى ايه

نورت ومتحرمنيش من زياراتك

mena يقول...

موجه.......

ربنا يخليكى يا قمر انتى الل عيونك

حلوة عشان كده بتشوفى كل حاجه حلوة

نورتى التوبيك بتعليقك الجميل ويارب

بقى تيجي هنا تانى ومتحرمناش من

الزيارات الجميله دى وربنا يوفقك

mena يقول...

موجه.......

ربنا يخليكى يا قمر انتى الل عيونك

حلوة عشان كده بتشوفى كل حاجه حلوة

نورتى التوبيك بتعليقك الجميل ويارب

بقى تيجي هنا تانى ومتحرمناش من

الزيارات الجميله دى وربنا يوفقك

Noha Saleh يقول...

بيعجبنى دمج الكلمات مع الصور
حلو يامنة

amirelhob يقول...

بجد اسلوب اقل ما يقال عنه انو رائع توبك بجد جميل جدا

بتمنى يا رب انكم تكملوا على خير وميبقاش فيه بينكم تانى زعل زتكمل ايامكم على خير وسعاده دايما يا رب

ومن قلبى بتمنلكم كل الخير والسعاده و الصحه والتوفيق وفرح والابتسامه اللى تدوم طول العمر

ميس فلسطين يقول...

الله على المدونه الرائعه
الله يخليكو لبعض
ومستحيل يزعل منك يا عسل

تحياتي

ادم المصرى يقول...

منه سورى كنت مشغول جدا والله فى شغلى واول مفضيت دخلتلك وزعلان اوى ان كل التعليقات دى وانا جيت فى اواخر التعليقات

حبك جميل اوى يا منه ويبختو والله بجد يبخت اى انسان يلاقى وحده تحبو وتخاف عليه وتقدر بعدو عليها وغيابو اى شب بيحلم انو يلاقى حد يحبو مش اكتر من كدا واى بنت نفسها تعيش قصه حب محدش عشها فى الدنيا غرها وحببها يكون بيعشقها وتباها بيه ادام الناس من حقها ومن حقو انو يعشقها

Dr/ walaa salah يقول...

اكيد بعد الكلام الجميل هيسامحك

منتظره جديدك يا حبيبتي

السُـلطانة يقول...

السلام عليكم ورحمة الله وبركاته ..

جميل جدا أن نجد ذاتنا في الاعتذار لمن نحب .. وإن كان الغياب ليس بيدينا!!!

mena يقول...

نهى .......

ميرسي يا روح قلبي لزوقك وحشتينى موت

mena يقول...

amirelhob.........

ميرسي لزوقك ولكلامك الحلو ده وميرسي

انك نورت المدونة بزيارتك ياريت تيجى

تانى وتنورى ويسمع من بوءك ربنا

دعواتك حلوة وانامن قلبي بتمنالك كل

خير...منه

mena يقول...

ميس......

ميرسي ياقمرايه لزوقك

وربنا يخليكى نورتى

المدونة متحرمنيش من زياراتك

mena يقول...

ادم المصرى......

ادم ولا يهمك ومتقولش اسف انت اخويه

وتيجى ف أى وقت برحتك اهم حاجه انك

نورت التوبيك بتعليقك ورأيك اللى

يهمنى جدا وربنا يسعد ايام وميحرمنيش

ابدا من اهتمامك ومتبعتك للمدونة

mena يقول...

دكتورة ولاء.......

وحشتينى جدا والله واكيد انتى عارفه قد

ايه بفرح لما بشوف تعليقك لانك حد غالى

عليا جدا بس انا كمان نفسي بقى اشوفلك

حاجه واعلقلك عليه مش ناويه بقى ولا

ايه؟

mena يقول...

السلطانه....

نورت يا اجمل سلطانه ف الدنيا بجد انا

متشكرة اوى لزيارتك الجميله دى ياريت

بقى علطول تقوليلى رأيك عشان اكيد

محتاجه نصيحه من حد جميل وقلمو رائع

زيك...منه

محمود(باحث عن حب) يقول...

السلام عليكم
يسااااااااااه
انا اتأخرت قوى
؟
معلش \
بقه
المسامح كريم
متزعليش
جمال الصور
مع الكلام
روعه
ما بعدها
روعه
مستنين الجديد
يارب
يجمع بيكم يارب
فى الخير

mena يقول...

محمود(باحث عن حب).........

ولا يهمك يا محمود المهم انك جيت ونورت ابقى تعالا بس طمنى عليك يارب دوم تكون بخير وربنا يوفقك

السُـلطانة يقول...

السلام عليكم ورحمة الله وبركاته ..

سعدت كثيرا أختي في الله mena يا أحلى مدونة .. على تهنئتك لي .. وربنا يحفظك يارب .. اللهم آمين.

تحياتي الصادقة لك

mena يقول...

السُـلطانة......

انتى بتتكلمى ف ايه يا بنتى انتى اختى

وانا وربنا يشهد ع كلامى فرحتلك من قلبي

وبجد بتمنالك من قلبي السعاده

والتوفيق وربنا يهنيكو ويسعد ايامكو

resalatye يقول...

تسلم ايدك يا حبيبه البى ويارب ما يحرمك من حبيبك

mena يقول...

resalatye......

ميرسي يا قمرايه انك جيتى وعقلتى التعليق الجميل ده بجد كومنتك ده فرحت بيه اوى يارب بقى تيجى تانى وتعلقى تانى واضح انك بنوته عسوله اوى

شهرزاد الحكايا يقول...

الاعتذار .. هو الخطوة الأولى الصحيحة .. سلمت الأنامل .. تقبلي مروري

mena يقول...

شهرزاد الحكايا.......

شكرا لزوقك وميرسي انك جيتى وابقى شرفنا تانى نورت

mrmr يقول...

منه
حبيبه قلبى صدقينى يا قمر انا مش نسياكى
انهارده كنا فى التجمع السكندرى المرمرى
وكان نفسى اشوفكم كلكم يا احلى صحبه واحلى اصحاب
سامحينى لو قصرت معاكى
تصبحى على خير يا قمر

mena يقول...

مرمر ولا يهمك يا قمرى المهم ان انتى بخير وكويسه ويارب تكونى اتبسطى وفرحتى وانا مقدرش ازعل منك اصلا انا اكيد مسمحاكى انا بس ببقى عاوزة اطمن عليكو....

ساسو يقول...

منونتي الجميله
وحشتيني يا سكره

mena يقول...

ساسو سا حياتى والله انتى كمان وحشتينى جدا ايوة كده طمنينى عليكى يا رب تكونى بخير ديما

خواطري مع الحياة يقول...

السلام عليكم
ازيك يامنه يارب تكوني بخير
ممكن تشرفيني بمدونتي المتواضعة هكون سعيده
رشا
سلامي

mena يقول...

رشا.......


انا تمام الحمد لله انتى عامله ايه

طبعا يا رشا يا حبيبة قلبي لازم اجى

واشوف مدونة القمر شكلها ايه والف

مبروك ع المدونة

Google+ Badge

اللى بكتبو هنا بتاعتى انا وبس وبقلمى و اى حاجه مش انااللى كتباها بقول مين كتبها وده نادرلمايحصل. يتم التشغيل بواسطة Blogger.