21

عيد ميلاد اطيب قلب

الثلاثاء، 19 أبريل، 2011


كل سنة وانتى طيبه يا أجمل وأحن أرق قلب في الدنيا كلها يا جايدا يا حبيبة قلبي 

انا عملتلك بارتى صغنون كده على قدى بس يارب يعجبك كان نفسي اجبلك كل 

اللى نفسك في بس نعمل ايه العين بصيره والايد قصيره وبعدين انا ممكن افتح

باب التبرعات  وانتى طبعا حبيبك كتير كلهم هيتبرعوا وألم زى ماما سوزان

ما عملت ففلوس مكتبة الاسكندريه واطفش بس انا قلبي قلب خسايه مش هيهون

عليا معملكيش الحفله هكلفلك حفله يجي ب عشره جنيه كده واخد الباقي وافك على 

شرم الشيخ ولا بلاش شرم لحسن وانتى واستاذ حسن ممكن تجبونى خليها القناطر

الخيريه احسن ههههههههه^_^ يالا بقى على الحفله اللى هكلفها عشره جنيه وانتو

يا معازيم متنسوش التبرعات والهدايا بردو انا اللى بجمعهم بدل عايدا حبيبتى عشان

هى متتعبش اصل انا بخاف عليها اوى اوى ههعهعهعهع دى ضحكه شريره على فكره

   v



   v

                                                                         
   v
               كلو يوسع ضرب النار هيشتغل والحفله ابتدت                  

                                
 وادى دق الطبل ابتدى
                                       






 وادي ميكى كمان جه يحضر البارتى ويهنى ويتبرع



   ودبدوبه التخينه كمان جت ومعاها الهديه


وكمان الواد المزبهل ده اللى انا معرفش هو مين جاى بردو يهني


    وسع وسع وسع يا جدع  انتو وهو وهى التورتااااااااااااات وصلت




ومتبصليش بعين رديه وشوف منه دفعت قد ايه فيه واى حد هيمد ايدو من غير ما أديلو انا هيضرب ومش هياخد ولا فسفوسه عشان انا هدى وحده كامله بحالها لعيودتى وانا هاخد الباقي ايه ف حاجه ف حد لُه شوق في حاجه ايوه انا طماعه واللى هيتكلم هعضوووووو







 يالى نطفى الشمع يا جودى بس يا واد انت وهو وهى جودى هى اللى هتطفى الشمع يايا هوف يايا هوف يا جودى هههههههههه اهوفلك انا ولا بلاش لأطيرهالك ههههه^_^






  شوفتى يا جودى لماتى هدايا قد ايه انا اللى جيباها كلها لوحدى ومحدش جاب حاجه  غيري ^_^ ها ها ها ها ها ها ها ها ها  ضحكات متقطعه شريره  










 الكلام ده بقى من جوه قلبي والله عظيم بعيداً عن الهزارو البارتى كلو انا والله والله والله
بحبك جدا وبكنلك كل احترام وتقدير عشان انتى من اكتر الناس النقيه والجميله والبيضه اوى من جواها اللى عرفتها ف حياتى كلها ربنا يخليكى ليا وميحرمنيش منك ويسعدك ويهنيكى وتشوفى كل خير بعنيكى ويسعدك مع الاستاذ حسن اللى كل عالم بلوجر عرفين هو بيحبك قد ايه وبيحسدوكى عليه الله اكبر علينا كلنا انا مش بقر والله هههههه ويخليك كريم والولاد ويفرحك بيهم وتفضلى طول العمر فوق رسهم ويشلوكى ف عنيهم لأنك بجد
كنز ولازم يحمدو ربنا عليه وانا كمان احمد ربنا انى عرفتى  حد جميل زيك يا جميل
         والاغنيه دى بهديهالك من كل قلبي 




21 اراء تهم احيا بحبك:

جايدا العزيزي يقول...

يااااااااااه ياقلبى

كل ده ليا انا

ربنا يخليك ليا يا منه يارب

والله كنت ناويه اعملك عندى حفله بس رجعت من شرم بالليل وتعبانه جدا

والله ده احسن عيد ميلاد اتعمل ليا

وغالى لانه من اغلى واحب واطيب قلب

ربنا يعلم بحبك قد ايه منه

بس ياحبيبتى انا ما استهلش كل ده

تعبتك جدا معايا يا قلبى

ربنا ما يحرمنى منك ابدا يا حبيبة قلبى

ويحفظك ليا وينولك كل ما تتمنى يارب

جايدا العزيزي يقول...

منه
حبيبتى التورت كتير اوووووى

والبوست قد ايه خلانى سعيده جدا

ياه انا استاهل كل الحب ده

والله العظيم بحبك فى الله

وربنا يعلم انى بعتبرك بنتى اللى ماجبتهاش

والكليب روعه طبعا مش منه اللى اخترته

كل سنه وانت طيبه يا طيبه

كل سنه وانت فى حب وسعاده وخير

كل سنه وانت نع من تتمنى

ويااااااااارب تحقق كل احلامك يا عمرى

عمرى ما هنسى العيد ميلاد ده

لانه احلى عيد ميلاد اتعملى

ربنا يسعدك قد ما خلتينى سعيدة

عارفه حسن اتصل يقولى كل سنه وانت طيبه وانه هيجى بكرة عشان يعملى عيد ميلادى

قلتله منه بنتى عملتلى احلى واجمل عيد ميلاد

فرح جدا وبيشكرك اوووووووى

احبك فى الله

جايدا العزيزي يقول...

انا حقيقى مش عارفه اقولك ايه

عاجزة عن الشكر

ومهما عملت ياقلبى ليك مش هكفيك حقك\

هاخد اللنك وانشره على الفيس

وطبعا التورت هتكفى حبايبنا بس خدى بالك ليكلوها كلها هههههههههه

بحبك اوووووووى منه

اشكرك بكل عبارات الثناء

تحياتى

mena يقول...

يا حبيبة قلبي وربنا انا كنت عاوزة اعلمك حاجه تليق بمقامك بس غصب عنى والله ياريتك جمبي او قريبه منى كنت اجمل هديه ف الدنيا كلها بس بجد احلى هدايا جت ف الدنيا هى انت ربنا اهدانى حد قلب طيب وحنين وحساس ورقيق زيك
ربنا ما يحرمنى ابدا منك واقسم بالله انى بحبك حب ف الله طبعا محبتهوش لحد ف حياتى وعارفه انتى اول مدونة اقرألها ف حياتى وأتبعها من قبل حتى ما ادخل عالم بلوجر او اكتب فيها

mena يقول...

انا نسيت اقولك مبروووووووووووووك على البوست بتاعك اللى نزل ف الاهرام امبارح
بصراحه انا مش شوفتو بحمك انى مش بقرأ جرانين بس عرفت من ع الفيس الف الف الف الف مبروووووووووك يا قمرى

Casper يقول...

كل سنة وانتي بخير جايدا
وعقبال 100 سنة

ريــــمــــاس يقول...

حين تكون هي جميلة وأنتِ أجمل فلمن منكما سـ أقدم التهاني لها لأنه عيدها أو لكِ لأنكِ أجمل مافي عيدها أو لكما معاً لأن أجمل مافي الحياة هي مشاعر الأخوة الصادقة "
؛؛
؛
منة
حبيبتي دعيني اولاً أشكر قلبك الطيب الذي شدني منذ وصولي لبلوقر قلب ابيض نقي لايعرف سوى الصدق والحنان والمحبة ..جميلة الروح أنتِ ..عذبة المشاعر ..رقيقة الإحساس ورب محمد أفخر بكِ وأتفاخر بكِ كلما مررتِ مدونتي أو التقيت بكِ هنا فدعيني اولاً أهنئنا بكِ وأعود لأهنئ االراقية الجميلة جايدا والف الف مبروك ويارب أعوام قادمة من الحب والسعادة وبإذن الله سأزورها الآن لأقدم لها أسمى التهاني والتبريكات "
؛؛
؛
منة أحبك ويشهد رب العالمين أنكِ غالية ياغالية
؛؛
؛
لروحك عبق الغاردينيا
كانت هنا
reemaas

mena يقول...

ريــــمــــاس....

يا حبيبة قلبي انت اللى قمر وجميله وقلبك جميل زيك عشان كده شيفانى جميله
بجد والله انتى من اول زياره ليكى هنا عندى وانا والله العظيم شيئ اللهى قالى اننا هنكون اصحاب وخير صحبه ان شاء الله

وبعدين بجد جايدا تستاهل كل على قلبها الجميل الابيض من اللبن الحليب وانا بعتبرها اختى الكبيره بجد

وعقبال يا قمر نفرحلك قريب ونعملك اجمل حفله

شريف صابر يقول...

مدام جايدا
كل سنه وحضرتك طيبه بجد تستاهى اكتر من كده
منه يا منه
بجد انتى رائعه وكلماتك وبوستك رائعين ايضا مثلك
على فكره اناعيد ميلادى شهر 7 اللى جاى هل لى نصيب ان تحتفل مدونتك بهذا اليوم؟
:)
تحياتى ليكى

خواطري مع الحياة يقول...

كل سنه وعمري وحياتي واختي وامي وصديقتي طيبة
ويارب تكون اجمل واحلى سنه لاجمل واطيب عيوده
سبقتيني يامنونة
ها
كان نفسي اكون اول وحده اعم لها اجمل حفلة
لكني تعبانه ماقدرت خلاص انا انتي
ولا ايه
ههههههه
يامنونة ياحبيبة قلبي ياطيوبة انت
اجمل حفلة من اجمل منونة لاجمل عيوده بالدنيا كلها

جايدا العزيزي يقول...

منه حبيبه قلبى

القلوب عند بعضعا يا حبيبتى

وربنا وحده يعلم معزتك فى قلبى

الله يبارك فيك ياقمر

وعقبالك يارب مانشوف كتباتك على اشهر الصحف المصريه

والله سعادتى بالحفله اللى انت عملاها اكبر

حسن بيوصلك الشكر وبيقولك ربنا يخليك لعايده

وبعد اذنك اسمحيلى اقول لكاسبر ولميس

كل سنه وانتم بخير

عارفه احنا يا منه واحد برج القلب الابيض الطيب

اشكرك حبيبتى على احلى واجمل عيد ميلاد

احبك فى الله

تحياتى

(¯`·._.·TIGER·._.·'¯) يقول...

كل سنه يا جايدا وعقبال 98746546545 سنه وربع بقى المره دى ههههههههه ومش تقوليلى يا مين يعيش ربنا يديكى طولت العمر وتنورى الدنيا دايما يارب

الاحلام يقول...

الله على ملحمه الحب الجميل حقا الحب يعمل المستحيل فما شاعدته وقرأته هو حقا حب من نوع خاص انا سعيد جدا اننى فى وسط هذه الكوكبه الجميله الممتعه التى تحب بعضها دون اى مصالح او رياء
ربنا يجمعكم دائما على الحب والصفاء دمتم جميعا بكل خير وبصحه وسعاده
تقبلوا منى اجمل تحيه الاحــــــــــــــلام

حسن يقول...

كل سنه وانت طيبه يا روح قلبى

كل سنه وانت طيبه امى وحبيبتى واغلى ما عندى فى الدنيا

كل سنه وانت دايما بخير وسعاده ودايما جنبى

وعقبال 100 سنه يا ست الكل

ربنا يخليك لى يارب

ويسعدك قد ما بتسعدينى

انا دلوقتى حسيت بقمتك ومش قادر ابعد عنك يا اعظم واحن ام

اوعدك حبيبى انى هكون ليك طول العمر ولا يفرقنا ابدا اى حاجه وربنا يبعد عنا الشيطان يارب

ويبارك فى عيالنا وبيتنا يارب

شكرا اخت منه على شعورك النبيل

انا مطمن عليها معاكم ربنا يسعدكم

حسن الشيخ

وجع البنفسج يقول...

يا بختك يا جايدا . .. الكل بيحبك وبيهنيك بيوم مولدك .. ربنا يكثر الحبايب يارب .. وكل عام وهي بخير ..

اسعدني تواجدي هنا ..

mena يقول...

شريف صابر.....

متشكره اوى يا شريف

وان شاء الله اعملك اجمل

حفله ف الدنيا كلها

mena يقول...

حسن ....

لا شكر على واجب يا استاذ حسن ده اقل حاجه نعملها لجودى حبيبة قلبي

اسعدنى جدا انك جيت ونورت مدونتى والله ده يوم المنى

mena يقول...

خواطري مع الحياة....

يا حبيبة قلبي احنا مفيش فرق بنا وعقبال ما نفرحلك قريب ان شاء الله

mena يقول...

(¯`·._.·TIGER·._.·'¯)....

شكرا يا منيل هههههه منور البارتى يا وااد

mena يقول...

الاحلام...

ربنا يخليكى يا استاذى الفاضل

متشكرة اوى على كلامك الرائع

ده وده كلو من زوقك اسعدنى تواجدك

دمت بخير وسعاده وصحه وعافيه

mena يقول...

Casper....

ميرسي يا كاسبر على اهتمامك

Google+ Badge

اللى بكتبو هنا بتاعتى انا وبس وبقلمى و اى حاجه مش انااللى كتباها بقول مين كتبها وده نادرلمايحصل. يتم التشغيل بواسطة Blogger.