29

يا بايعيين الهوا.......!

الثلاثاء، 31 مايو 2011

لو ان جلوبنا بهوانا ما كان الدمع وسنا
لكن جدرنا مكتوبنا وجُوه الجلب أه يانا
.
.
نسانا النوم واللوم على الجلب  اللي ودانا
يا بايعيـين الهـوا بالغـدر كسبتـو إيـه من ورانا
.
.
كسبتو دموعنا ف عنينا ولا جُلوبنا الحزانه
روحو وسيبو جلوبنا سهرا لكن عليكم أمانه
.
.
لـمـا تلاجـو اللى يدوبـو ف هواكـم ورانـا
جلولهم كـان جبليكم  نـاس راحـو ضحاينا
.
.
وعاودو وأفتكرونا يمكن يرج ف ضلوعكم
جـلـوب خـوافـه وجبـانـه

29 اراء تهم احيا بحبك:

د/دودى يقول...

ايوه مبسطوين و فى مدونتك قاعدين ....ايه الكلام الحلو ده ؟ جلوب خوافه و جبانه !! اممممممم ايه اللفظ الممتع ده...

على فكره اللهجه ازادت من جمال الكلمات

اكرم الشرفا يقول...

كلماتتك جدا رائعه وجميله

سلمت اناملك لما خطت من كلمات

ارق والطف تحيه

ツSmiLeY AnGeLツ يقول...

والله روووووووعة
كلام يجرح
كلام يخلي الي يفكر يخون ويسمع الجواب ده
يفكر الف مرة انه مابيخون
لان الكلام هذا يمس في كرامته
تحفة ياقمر

ازيك ياعثولة؟؟؟؟؟؟
يارب تكوني بالف خير.

تقبلي مروري ياقمورة
ياكتوتة^____^

Unknown يقول...

جميله اوى يا منه بجد جت على الجرح لان الخيانه صعبه اوى

كريمة سندي يقول...

يا لذيذ يا رايق إيه الكلام الحلو دا

غير معرف يقول...

وماأصعب أن يبعاع الهوى
ويرتكب في حق القلب جريمةأسمها خيانة "
؛؛
؛
منمونة قلبي
حرفك يستنطق الوجع فينا
لكنه جميل لأنه بـ أنامل رقيقة "
؛؛
؛
لروحك عبق الغاردينيا
كانت هنا
reemaas

الجوكر يقول...

الله يامنه

يالجمال حرفكِ المشع نورا وبهاء

حرف كشعاع الشمس يضيء القلوب بالجمال

حرف عذب كعذوبة ماء المطر


لكِ ود لايبور

Nader Gad يقول...

حروفك رائعه ---------- خيال نارد ينتظر المزيد منك ------------- تحياتى

hana يقول...

كثيره هي القلوب البائعــة للعشق
وكثيرة هي أبضاً ما تذرف معها من دمموع

رائعة حرف ولهجة

مدونة اكسجين مصر يقول...

السلام عليكم بجد مش مصدق انك تنسينى كده تنسى اخوكى بجد مجروح اوى منك يا منه اكسجين مصر

د.ريان يقول...

مساء الخير منه

وبوح مؤثر وراقي منكم لانعرف لماذا

من يصادف حباً وجمالاً يتركه لأجل غدر

وخيانة ليس الكل طبعاً لكن البعض

لهجة رائعة وجميلة منكم منه

اسعدني المساء هنا

دمتم بود

Tarkieb يقول...

حلوة اوووووي والله..بس مش كان احسن تقولى ايش كسبتو من ورانا؟ عشان أيه دي قاهرية او بحراوي عامة..تحياتي

سَارةٌ يقول...

مَنووووووونتِيْ ..

عَجبنِي البوستْ دَه جداً كِدهْ ..:)

وَحشتِينِي كتِيرْ كتِيرْ والله ..

مُفتقداكِيْ ! :)

Unknown يقول...

د/دودى.....

انتى تنورى المدونه وتنورى

قلبي وتنورى الدنيا كلها يا

دكتوره وده بس من زوقك ورقتك

وربنا يخليلنا مجاملاتك الجميله

Unknown يقول...

اكرم....

ميرسي يا اكرم ربنا يخليك

كلك زوق وانت اجمل ووجودك

عندى اسعدنى جدا نورت المكان

وكررها تانى بقى وفرحنا بزيارتك

Unknown يقول...

خواطري مع الحياة....

ميرسي يا روشا يا حبيبتى قلبي

لزوقك ورقتك وربنا يخليكى ليا

يا عمرى وانا كويسه بخير طويل

ما انت بخير وبتسألى عليا وربنا

مايحرمنى منك ابدا ابدا ابدا

Unknown يقول...

(¯`·._.·TIGER·._.·'¯)....

ميرسي يا تايجر

وبعد الشر عليك

يا واد من الجرح

وان شاء الله هتعدى

على خير والموضوع

هيتظبط ومتقلقش ابدا

من حاجه بأذن الله

بكرة هيبقى احسن

من انهارده

Unknown يقول...

كريمة سندي....

ههههههههه

انتى اللى عيونك حلوة عشان كده شيفه الكلام الحلو يا حلو انت يا حلوههههه
^_^ منوره الدنيا ياقمر وميرسي على
زوقك ورقتك

Unknown يقول...

ريــــمــــاس....

ريماس سا روح قلبي

ميرسي يا قمرايه

ربنا يخليكى ليا

انتى اللى منبع الرقه

والحنان والجمال

Unknown يقول...

الجوكر....

يااااااااه بجد كتير عليا الكلام

ده والله بجد ميرسي اوى على رقتك كلامك

وزوقك العالى ده من بعض ما عندكم يا

جوكر وربنا يخليك وترفع من روح

المعنويه للغلبانين اللى زيي

Unknown يقول...

Nader Gad....

انت اللى حضورك عندى هو اجمل من رائع

اسعدنى تواجدك ورأيك اسعد قلبي كرر

زيارتك الرائعه

Unknown يقول...

hana.....

ميرسي يا قمر وعندك حق فعلا كتير اللى بيخونو ويبيعو

نورتى ركنى المتواضع واسعدتنى زيارتك

Unknown يقول...

مدونة اكسجين مصر....

محمد والله العظيم انا اسفه بليز متزعلش

والله ما اقدر على زعلك بليز متزعلش منى

وعندك حق والله انا مقصره معاك بس والله انا

بمتحن والدنيا ملخبطه معايه شويه

Unknown يقول...

د.ريان....

متشكره يا دكتور على رقتك وزوقك اللا متناهى وربنا ما يحرمنى من مجاملاتك الرقيقه تحياتى لك

Unknown يقول...

Tarkieb....

معلش والله بس انا بردو مش صعديه اوى يعنى ده انا بحاول وحولت اغير شويه
واكثر حاجز الحصر ف نفس اللهجه بس مش اكتر وادينا بنتعلم اسعدنى نصحتك جدا كتر من النصايح ارجوك لو فعلا يهمك امرى ويمهك انى اتحسن ونورتنى

Unknown يقول...

حَـبآيـۃْ.بـטּـدۉڷ ....

وانا والله يا حبيبة قلبي مفتقداكى جدا بقى وكده

والحمدلله ان البوست عجبك ده من بعض ما عندكم يا موزتى الانتيم ^_^

Prince-Palestine يقول...

كلمات حلووة واسلوب راقي


تحياتي لقلمك

الجوكر يقول...

اختى منه

أنا لم أُجاملك

فلغتكِ جميلة

وحرفكِ يستحق التقدير

كونى بخير وسعادة

osha يقول...

7elwa awy ur words >>>>> GO ON
thanks for your reading my thoughts

اللى بكتبو هنا بتاعتى انا وبس وبقلمى و اى حاجه مش انااللى كتباها بقول مين كتبها وده نادرلمايحصل. يتم التشغيل بواسطة Blogger.