20

اعتزلت التدوين v_v

الجمعة، 17 يونيو، 2011

لأسباب هقولكم عليها انا قررت ان اعتزل التدوين نهائياً
بصراحه يا جماعه انا من الناس اللى بتحب تاخد بالنصيحه

وخصوصا لما تكون من حد فعلا خايف على مصلحتنا مش 
بس كده لا وكمان حد قريب منا وبلديات كمان و المفروض
اننا نخاف على مشاعر بعض ومنجرحش بعض ولا نوجع
بعض بكلمنا وكمان منعملش نفسننا بننصح بعض ونقوم 
قايليين لبعض كلام لايمس للنصيحه او حتى للزوق بأي صله

اللى حصل بقى ان حد هو عارف نفسو اعطانى نصيحه جميله
اوى ألا وهى أنى بعك والبوست اللى فات كان عباره عن عك
مش اكتر ولا اقل وكمان هو شايف ان مينفعش يجملنى وانه 
يقولى اللى كتباه ده عك معنى كده انه مش ينافقني بس يا
صديقى الصدوق ده مش اسمه عدم نفاقا ده اسمه عدم
وجود احساس بالناس اللى مفروض اننا بنحبهم ونقدرهم وف
وقت مايكونو زعلنين وبيرتهلو ف الكلام نستحمل عكهم مع انى
اصلا البوست والكلام اللى في لا يمس لك بأي صله لا من قريب ولا
من بعيد وبعدين حضرتك قبل كده لما انا نزلت بوست كان اسمه
((كان حلم)) قولتلى انه اسلوبي فيه جريئ اوى وبجح وحسستنى 
انى خدشت حيائك مع ان البوست كان كلماته مفهاش اى كلمه عيب او
حرام ولا حتى تسيئ لاخلاقى او تجرح اللى هيقرأٌ وبرغم كده سمعت
بنصحتك ومسحتوه وانا فاكره انك همك عليا وبعدين انا بقى قررت
 والحمدلله وبعد عاصفه من البكاء والانطواء مع النفس والاكتئاب
الشديد انى هبطل تدوين لانى مش حابه انى اسيئ للتدوين ولللمدونين
لان وجود واحده عكاكه زيي ف وسطكم هيشوه صورتكم ف الاحسن انى
امشي وأسيب العالم ده للى يستحق انه يكتب فيه بس معلومه ليك وللزمن
الضرب ف الميت حرام وانت عارف انى مخنوقه واكيد مش هبقى كاتبه شعر
يعنى ده كان مجرد خنقه وكان مجرد فضفضه مع ناس بحبهم وبحس انهم
بيشركوني نفس الشعور 

شكر واجب عليا:
رامى: ميرسي يا رامى لزوقك وميرسي لاهتمامك فرحة جدا بردك على البوست اللى فات
د\دودى:فعلا الكلمه اللى قولتيها حكمه وانا اكيد هحطها ديما قدامى وانا سعيده بمعرفة حد محترم زيك
د.ريان:فعلا كنت لى نعم الاخ والصديق سعدت معرفتك
ريماس: بجد انا مش عارفه اقولك ايه غير عمرى ماهعرف حد جميل ونضيف اوى
من جواه زيك والله انى احبك ف الله
تايجر:ميرسي على كل حاجه

اعتذار....

بعتذر لاى حد ف يوم زعلته او قصرت معاه بس اقسم بالله انى عمرى كنت عاوزه ازعل حد منى ان كنت بعتبركم زى اهلى بالظبط واى كلمه طلعت منى طلعت بكل امانه ولا مجامله ولا نفاق

اسف....

اسفه واعزرونى على أخطائي الاملائيه وادينى هرحمكم منها اهو والله يكون ف عونكم انكم كنته بتستحملو كلامى الملعبك وعكي اللى ملوش معنى هتوحشونى

20 اراء تهم احيا بحبك:

Ramy يقول...

يا سلاااااااام

طبعاً غلطانة جداً جداً جداً

لما اللى يحدد اللى بتكتبيه و او متكتبيش رأى حد ميستهلش دة يبقى غلط

عيب يا منه

كده انت بتقولى ان رأينا كُلنا ميهمكيش و رأى الشخص ده بس اللى يهمك

لا يا منه كده احنا لو زعلنا هيبقى منك لأن فى ناس بتستنى تكتبى و تجيلك

على فكرة يا نمه انا بقالى كام يوم مش متظبط نفسياً و بالرغم من كده لما لقيت البوست ده

قلت لازم اعلق

لأن رأى شخص زى ده يتشد عليه السيفون سورى للتعبير

لا يا منه هو ممكن يكون أحساس لحظى بس فى ناس بتحترمك و بتعزك

انا يمكن بكلمك و انا مضايق أصل انتى فاكرتينى بموقف حصل معايا
بس لما راجعت نفسى لقيت انى غلطان جداً

لأن هسيب ناس انا بعزهم

أرجو انى مكنتش زعلتك فى اى كلمه

و ارجو ان انتى ترجعى نفسك

و مستنين البوست اللى جى

و لو جالك تعليق من الشخص ده تانى أعتبريه و لا كأنه جه اساساً

لأن انتى كده ادتيله اكبرمن حجمه

و متشكريش تانى لو سمحتى

امال انا بقى اعمل ايه بقى مبردش على حد خالص (:

هنستنى البوست اللى جى

ها

ربنا معاكى

و يبعد عنك الأشخاص اللى زى كده

Mohamed Hamada يقول...

انتي بتهزرررري !!؟؟؟؟؟
حجاتك انتي عككك !!؟؟؟
طيييييييب والله انتي بجد موهوبه وبتكتبي كلام جميييييييل جدااا
وديي اراء ودا رايه هو اسمعيه وخلاص ولو فيه حاجه مفيده اعملي بيها مفهوش اسمعيه وارميه البحر لا المحيط وقوليله ف الاخر الجمله دي
رايك فيا لا يدل عليا ولن يدل عليا رايك فيا يدل عليك فقط

وبجد بقولك تانيييي انتي موهوبه بجد مش مجامله وكملييي اوعي تعملي الي بتقوليه داااا

Casper يقول...

اولا السلام عليكم ورحمة الله وبركاته
اختي في الله منة
_________

- أولا لابد أن تعرفي أنه ثمَّ شعرة صغيرة بين الصراحة والوقاحة ...

- ثانيا بالنسبة لما يقال من تعليقات مع الاعتذار للجميع فلم يُطلب من أحد أن يدلي برأيه لأننا ببساطة لسنا في معرض التقييم والنقد فضلاً عن أن ما قيل لا يمت للنقد شكلا أو موضوعا بصلة ,,, فشتان الفارق بين النقد وتحليل النص تحليلا فنيا وبين التجريح والتقليل من شأن الكاتب وأظن أن ما قيل بعيد تماما عن أصول النقد

- ثالثا لابد أن تعي جيدا أي قرار تسعين في اتخاذه وليس كل ما يقال صواب وما قيل ليس قرآنا من السماء

- رابعا لو على الأسلوب البسيط فكلنا نتعلم من بعضنا وكلنا نستفيد من أخطائنا فليس على بلوجر نزار أو جويدة مع كامل احترامي وتقديري لكل المدونين فكلهم أفضل مني وأتعلم منهم جميعا لكن المقصد أن حتى هؤلاء الشعراء الكبار يخطئون

آخيرا وليس بآخر
أعتذر على عدم متابعتي للمدونة في الفترة الماضية وبالنسبة للبوست السابق فلن أبحث في الأرشيف لاراه فأنا واثق أنه ليس عكاً كما وُصف

__________

خالص التقدير لفكرك وقلمك
بالتوفيق دائما

أخوكِ في الله

Casper

حَـبآيـۃْ.بـטּـدۉڷ يقول...

إيه ؟

اعتزلتي ؟

طَب انا مش فاهمه !!!

طب مينفعش كده على فكره يا منه !!

:((

طَب ممكن الأكونت بتاعيك عالفيس
ميل طيبْ
أي حاجه !

.. ممكن ؟!
..
عشان خاطري بقى مينفعش كده ! :(

iـــــــــــsــــــــــlــــــــــــaـــــــــm يقول...

الكلام ده غلط جدا
اسمحيلى ادافع عن نفسك اللى انتى ظلماها اوى معاكى
اولا انتى بتكتبى عشان حاجه جواكى ايا كانت ايه ده شىء نابع من جواكى ايا كانت اخطائك مش مهم يعنى اللى عايز اقوله انك قبل اى شىء بتستمعى بكلامك او بترتاحى لما تقوليه

ثانيا مينفعش النقد يكون هدام ولو قابلنا فى حياتنا كتير من النقد ده مينفعش نضعف مينفعش تسيبى حاجه بتحبيها عشان مجرد رأى لشخص ما وهو حر فى رأيه وانتى كمان حره فى كل كلمه بتقوليها

ثالثا انتى فعلا كتاباتك حلوه ومش بجاملك والله ولو فيها حاجات عك وايه يعنى ما كلنا بنعك وكلنا بنقول اى كلام مين فينا طه حسين ومين فينا توفيق الحكيم يعنى متظلميش نفسك

رابعا دى مدونتك اللى حاسس انه الكلام مش على قدر مستوى تفكيره ميدخلش وميجهدش نفسه فى كتابة كومنت

خامسا ياريت تصلى على النبى وتنسى الكلام ده خالص احنا هنا اسره مش شرط كل افراد الاسره يكونوا كويسين بس يكفيكى لو فى اتنين تلاته بيحبوكى

اسف على التطويل
سلام عليكم

Nader Gad يقول...

صباح الخير

اتمنى ان تتراجعى بقرار الذى اتخذتيه فى ساعة غضب التدوين هو تعبير عن المشاعر والنفس ودا شئ خاص ----- واذا كان رد صديق زعلك فاهنا كلنا ننتظر كتاباتك الشيقه------------- دمتى لنا ودام قلمك

نيللى يقول...

اولا انا اول مره ادخل مدونتك
ثانيا هل ستسلمى الى "سارقى الاحلام"
ايوا سارقى الاحلام هم من يسرقون احلامك ويحبطوكى
هل من قال رايه فيكى يعبر عنك..وهو يعرفك منين عشان يحكم وهو حر يقول اللى يقوله كل واحد دماغه مريحه
انا لو منك عشان افرسو اكمل
الى الامام واوعى تتضعى لازم يكون عندك تحدى

(¯`·._.·TIGER·._.·'¯) يقول...

منن انتى بتحلمى مفيش حاجه امها هتبطلى تدوين ده ف المجر يا منون ويا ويلك لو شوفتك ده انا هنفخك انتى عارفه ليه

ماجد القاضي يقول...


السلام عليكم

أختي الكريمة.. قد تجدين أن هذه المرة الأولى التي أعلق عندك.. ليس لأن محتويات مدونة (غير جيدة) بالطبع.. ولكن صدقا لا أفهم في الشعر أو الخواطر الشعرية كثيرا.. ذلك أنه من المعروف لكل عاقل عادل أن الاختلاف لا يعني سوء أو حسن بالتبعية.. فهذا كلام ساذج للغاية..

فمدونتي يؤمها عدد من القراء من أجل نوعية مواضيعي وطريقة كتابتي، لكن بالتأكيد يُعرض عنها آخرون لنفس الأسباب بكل بساطة...!!!

أما أنك تعرضي عن الكتابة لمجرد أن عقلا مريضا (أنا أعتبره كذلك صراحة) لديه متسع من الوقت فينشغل فقط بالمرور على المدونات ليس لنقدها، بل ليؤكد على أصحابها أنهم لا يصلحون للكتابة!!!!!!!!!!

فهل مثلا هذه المدونة مفتوحة على حسابه؟!!!!!
أختي الكريمة.. إنما جعلت المدونات ليتحرر كل منا بقلمه دون قيود.. تماما كما تكتبين في دفتر مذكراتك الخاص.. مع الفارق في أنك تطلعي عليه الآخرين، فمن شجعك وشد من أزرك فبها ونعمت.. ومن وجهك باحترام وبنية صادقة فأنعم به من ناصح...

لكنك ستجدين عقولا غير سوية لا تملك من النقد غير جملة واحدة: "إيه القرف ده".. هكذا.. دون إبداء أسباب.. أو طرح بدائل.. فهؤلاء لا يستحقون سوى الإهمال وأن يموتوا بغيظهم وطبعا الحذف..

ومن نافلة القول أن أذكرك أن المدونة بها من الإمكانيات مع يعينك على التحكم في عرض أو عدم عرض تلك التفاهات..

أحسب أختي الكريمة أن هذا النقد (أو للدقة البذاءة في القول) صادف حالة نفسية لديك لم تكن في أحسن حالاتها..
لكن صدقيني لستُ ولا أحد من المعلقين السابقين ينتظرون منك مقابلا لشهاداتهم.. لذا صدقيني وصدقيهم فيما نقول..

أنتظر منك قريبا أول بوست بعد تصالحك مع نفسك.. ماشي؟ *ـ^

تحياتي أختي الكريمة.

غير معرف يقول...

:)
بس انا متابعك علي فكره وال بتابعه مينفعش يبطل نبض
انبضي .. ثوري .. فضفي .. حواليكي ناس جميله اولهم رامي الجميل بانفراداته في الرد الاول .. ممكن اكون صامت لكن شايف ال حواليه و متابع حروفهم الجميله
كتير بيحصلنا في حياتنا بنبقي معاشرين ناس جميله وبنحبهم وبيختفوا من غير سابق انذار بننجرح وبنتألم وبنهرب من الالم دا بذكراهم الجميله وبالتدوين ..
و بنبقي نفسنا نعرف ندون زي ناس جميله بتدويناتها .. في كتير بيأسوا علينا من غير ما يحسوا ..
علي فكره هو فعلا حد قاسي أوي .. خلاكي تعلمي عنوان بيقبض القلب . انا عمري ما عرفتك بس لما بقرا كلامكم برتاح
:)

جايدا العزيزي يقول...

بصى يا منه

اولا مشاعرك واحاسيسك ملك لك

انت حرة فى كتابه ما تشائين ومدونتك هى متنفسك اللى عجبه يدخلها باحترام اوك

واللى مش عجبه يبقى قلته احست

انت اقوى من كده بلاش تنصرى اى حد مهما كان عليك

لانك كده بتقدريه رغم انه ما قدرقيش

وبعدين الاخطاء الاملائيه ما انا اهو ولا بيهمنى

خليك منه اللى انا اعرفها

واكتبى ما تشائين

ياريت تفكرى فى كلامى كويس جدا

مشاعرك ليها عليك حق

تحياتى

اكرم يقول...

مساء الخير منه

اول شي انتي كتير كتير غلطانه

ومش حتبطلي تدوين

وانا بنتضار تدوين الرائع والجميل

ارجوكي لا تحرمينا من تدوينك الرائع

انتي اخت غالية

وانا كتير بحترم تدوينك وكلماتك الرقيقه

نحنو بنتضارك

وبنضار المشاعر الصادقه

الله يهديكي ويهدي جميع المسلمين

انا بنتضار كلماتك

Noha Saleh يقول...

وانا لسة داخلة علشان اقولك اعذرينى مقصرة فى حقك الاقيكى هتقفليها خالص
طبعا غلط مش لازم تنهزمى بسهولة
انتى بتكتبى حلو اوى
مش اى رأى ينفع تاخدى بيه على فكرة
يعنى ارائنا كلنا مش عاجباكى زى ماقال رامى
ارجعى عن قرارك ماينفعش تسيبينا

Noha Saleh يقول...

كتبت تعليق مش عارفة وصل ولا لا
المهم ارجعى عن قرارك وماتسيبيناش يامنة
ماينفعش تاخدى برأى واحد وبس

د/دودى يقول...

يا سلاااااام بقى لمجرد ان حد زعلك تاخدى الموقف ده ...اعارضك بقوه و بشده و بعنف

يا عزيزتى كونك قررتى الكتابه يعنى عندنا فى مصر انك تفتحى صدرك لطلقات لسان الاخريين المؤذيه و ياما هتشوفى من الناس اللى بالك فيها دى فى الحياه مش النت بس ...

هما هيخوفوكى من انك تتكلمى فى مدونتك الشخصيه اللى هى شبالك بيطل منه احساس الواحد ده كأنهم بيكتموا الكلام جواكى...

اوعى تبطلى كتابه و اوعى تعدلى كلامك لمجرد ارضاء الاخريين و اوعى تكسبى الناس و تخسرى نفسك..

ملحوظه : انا ياما اتشتمت فى مدونتى كتير لا بل كتير قوى تعبت ايوه اتخنقت ايوه سلمت لا و الف لا ...تخيلى انى اشتمت و اتعلق عليا فى بوست مره و حد قالى "انا لا ارى انك ملحده بعد ..او على الاقل مما قرأت لكى"...تخيلى!! لكن لو بطلنا نكتب نموت

خواطري مع الحياة يقول...

منونتي
عمري وحياتي
هو كده دائما اعز الناس علينا دائما يجرحونا بكلامهم وتصرفاتهم قلك ايه مش حاسيين ان كلامهم بيجرحنا ويمكن يعمل مشاكل بحياتنا
منونتي حبيبة قلبي
لاتسيبي مدونتك عشان سطر كلام من شخص انت بعتزيه وتحترمية وهو ماقدر هذا الاحترام بكلامة الي يوجع
لاتخلي حد يأثر عليك
قولي له مشتكرة اوي على ذوقك الحلو وكلامك الي دائما بيجرح القلب
ايوة ابعدي شوية ورتاحي بس لاتتركي التدوين عشان الكلمتين الي قالهم
وانا عارفة انهم بيجرحوا اوي
والله لو كنت مكانك يمكن عملت مثلك بس مش انت اسيب التدوين
لا اني ابعد ايام وافكر كويس اوي
واجهي الشخص هذا وقولي له الي الي داخلك من كلام كان يجرح ولا مايجرح
لانه مش انت الي تتعذبي بكلماته وهو مش حاسس
ويمكن هو مش شايف ان كلامه يجرح
منوتي عمري ارجعي لمدونتك الي عايز يقول كلام وحش يقول
وانت اذن من طين واذن من عجين
قولي له مرسي على كلامك الحلو وبس
هو بيحس على نفسه
ده اصلا لو كان عنده احساس

بعدين كلنا هنا جنب بعض ومع بعض
يعني عشان شخص واحد تسيبينا كلنا
احنا مننا كثير وهو واحد يعني غلبناه
ورجعي للمدونة ولتدوين
والله بحب كلامك ياوحشة

لو مارجعت للتدوين ولا كتبتي شي
اعتبري انك ماتعرفي واحده اسمها رشا ولا حتى هي بتعرفك

منونتي الي يبيعنا مرة نبيعه مليون مرة
فلا تاخذي كلامه البشع هذا
فخليك ريلاكس
لان لو بقيتي تاخذ بكلام الغير بتتعبي كثير ياعمري

وانا اعرفة انه شخص عزيز عليك
وانت عزيزة عليه بس يمكن مش واخذ باله ان كلامه يزعل

مستنيه انك ترجعي
وزي ماقلت لك لو مارجعتي وكتبتي موضوع مش ضروري الان بس ترجعي وتقولي انت هترجعي لو مارجعتي يبقى تشرفت بمعرفتك ومافي معي صديقة اسمها منه
اوك

سلامي ياعمري ومستنيه موضوع جديد وطنشي الي مايعجبك كلامهم ^___^

ريــــمــــاس يقول...

صباحك غاردينيا يامنة
يارب تكوني بخير وسعادة بصي بقى انا في اجازة ومش بقدر ادخل نت بسهولة لاني مسافرة والنهرده بس قريت عبارة اعتزلت التدوين والله بكتب لك وانا مش قادرة اتحرك يعني كدا في سرك انا في المستشفى والله ثم والله يامنه عملتها وكتبت رغم تعبي عشانك مش يمكن تعبي ده يخليكي تقدري وترجعي منة حياتي في حاجة لازم تعرفيها مع احترامي لكل صحابنا في بلوقر احنا هنا بنكتب عشان نتنفس وعشان احنا عاوزين نكتب ومش عشان حد ينتقدنا او يوجهنا وعلى فكرة مش كل كاتب بيكتب كلام حلو معناته بقى كاتب عظيم او شاعر كلنا بنتعلم من بعض وممكن نوجه بعض لكن مش بالتجريح غيابك واعتزالك التدوين معناته انتي بتدي الشخص ده فرصة يحقق كلامه ويعتبرك بتعكي زي مابيقول ..
منه ارجعي للناس الي بتحبك لو فيه شخص بيغلط عليكي في اكتر من شخص بيحبك وبيشتاق لطيبة قلبك وعفويتك وصراحتك وحرفك الصادق مش مهم ترتيب الحروف وتنميقها المهم تبقى صادقة من القلب وتلامس احساسنا ..
لو بجد بتحبي ريماس ترجعي ..
مستنياكي وبإذن الله مش حترديني
ولاتردي كل شخص قالك ارجعي
انتي بس عاوزة تدلعي :)
عشان عارفة كلنا بنحبك ياوحشه انتي
بجد بجد وحشتيني اوي
؛؛
؛
لروحك عبق الغاردينيا
كانت هنا
reemaas

كلام من قلبي يقول...

مينفعش على فكرة انك تمشي
مش معنى ان واحد مش عجبو انك تعترلي التدوين
هوة مش لازم يقرا
في غيروا كتير بيحبوا كتاباتك
وبجد مش بجامل ولا حاجة صدقيني كدة هوة هزمك ومش لازم تسمحيلوا بكدة وتهزميه
لانك لازم تكوني قوية

الجوكر يقول...

الاخت منه

معقول من أجل رأى واحد

تهجرين مدونتك وتتجاهلين كل الآرآء

نحن أنشأنا مدوناتنا لندون فيها

مشاعرنا واحاسيسنا فقط

وليس مشاعر الآخرين

فكل منّا له اسلوبه ولونه الخاص فى التعبير

ولو كل إنسان هجر قلمه لمجرد رأى

ماوجدنا مبدعين


كونى بخير

د.ريان يقول...

صباحكِ رضى وطيبة منه الراقية

رضاء الناس غاية لاتدرك اختي

حتى من القريبين احيانا لايكون في النص

لاغلط ولاعك بيكون مجرد شعور غيرة من الصديق

انتي على بالك لما توقفي تدوين الناس حاتتركك في حالك !!!

دا طبع البشر وهنا تجي فائدة التطنيش

مش كل حد له الحق انه يتكلم على كلماتنا

او يدخل مشاعرنا ويفشر على كيفه

لو كان بجد يعزنا يقدر كل حرف منا

دا واحد

وثانيا لو حد فعلا ماعجبوش كلامك وانا من مستغرب من كدا

تقومي تصدقيه وتغامري بصداقة البقية

طيب ايه ذنب الي يحبوكي وينبسوط بوجودك


وبينتظرو كلامك الطيب وصداقتك الطيبة


ثالثا يعني لو كان في كلامك عك مش كان قالك عليه

الي عنده خبرة اكثر منه في الاحاسيس والمشاعر

مدونتك هي متنفسكِ وعالمكِ وهيا الي عرفتنا

على روحكِ الحلوة والطيبة وهي ملك لكِ

انا لو باسمع كل انتقاد وكل كلمة محرجة

من الزملاء او الاقربين كنت عمري مافتحت مدونة

بس دا الشيء ملك لك ولأفكارك ولو انسان

ماعجبته المدونة مش مضطر يشوفها

وعلى فكرة الانسان الي يقولك انه قلبه عليكي

ويقعد يتنططلك بكل موضوع بانتقاد


غير بناء يبقى شخص ارائه خساره وبيعمل زي

اعدائك وصحبته خسارة جدا وتضييع عمر

لانه في غيره بيقدر وبيعتذر ويشوف كل خطوة

منكِ حاجة كويسة ايه فايدة الحياة لما يكون

الشخص ايل نقول عليه رفيق او صاحب بيزيد

الهموم علينا بدل مايغير طعم الحياة في عيننا

وعلى بالك لما تقفلي المدونة حاتخلصي

لا دي البداية بس بعد كدا حايجلس لكِ

بكل حاجة حتى يمكن تركهي النت وتقفليه


لأنه موضوع حساسية وغيرة بعض الرجال لا تنتهي ابدا

حتى يتوقف ويحترم كل حاجة صغيرة وكبيرة من اصدقائه

صديقك مش بيتكلم على العك هو مش عازو

اي كلام حب او رومانسية

وانتي وحدكِ ممكن تعرفي اسبابه وتعدليه بكلامك

لأنه برضو كل موضوع عزيز عليكي ويعتبر

جزء منك فمش بسهولة تحذفي اي حاجة

لازم تثقي فيه وتحبيه لأنه جزء من ذكرياتكِ

هنا الإنسان مش ملاك لما يقولك كل حاجة

جايز الخطأ عنده مش عندكِ بلحظة او ثانية

وبعدين من حريتنا انه نقول ونعبر عننا

انا مش موافق انه حد يفرض رأيه عليكي

أو يمنعكِ من حق لكي أو يقعد على الطالعة

والنازلة ويعمل ابو العريف واستاذ

الي بيقدرك ويقدر صحبتك عمره مايجرحك

بحاجة تحبيها

كوني قوية وارجعي عن القرار بحكم الي يحبوكي

ويفرحو معاكي والنسا الطيبية دي مالهاش ذنب بالي بيحصل

يعني تطنشي الموضوع كأنه لم يحصل

وترجعي تكتبي بمواضيع جديدة ورائعة

وحاولي تختاري الاصحاب بعناية ولا حاتصفى

عليكي عزلة وحزن وظلم والي ينتقدك عايش بمزاجه

ومبسوط

وجربي يوم تطبقي نفس موضوع السلطة عليه

وشوفي يوافق او لا

على الاقل تاخدي مقابل بدل العذاب والبهدلة معاه

انا معرفش بس الي حسيته من الموضوع

انه صديق مهم ومش عارف ايه اهميته


وهو شغال نقد عليكي كأنه انتي الوحيدة

الي بتكتبي في العالم

وانتي مش محتاجة تحذفي المدونة

قد مانتي محتاجة تفكري بأهمية الصديق دا

خصوصا انه بيجرحك ويحرجك اكثر مما يفرحك

ولا عاش ولا كان الي يجبرنا ويلغي شخصيتنا عشانه

ويتحكم فينا لا تحذفي المدونة

بس استخيري الله في صحبته وسماع رأيه

لأنه ايل بيعمله ظلم صريح ومحدش قال

على مدونة حاجة يجي حضرته ويقول عك


ربنا يهدي ماخلق ويهدي النفوس

وقاومي الحزن بأنك تفرحي وترجعي لكل الي انتي مهمة عندهم

صباحكِ ود وطيبة

وموفقة يارب

Google+ Badge

اللى بكتبو هنا بتاعتى انا وبس وبقلمى و اى حاجه مش انااللى كتباها بقول مين كتبها وده نادرلمايحصل. يتم التشغيل بواسطة Blogger.