3

اللهم لا شماته .....(4)

الخميس، 4 أغسطس، 2011

فعلا اللهم لا شماته بس انا كنت حاسه انى مرتاحه اوى وأنا شيفاهم ف القفص مترصاصين كده جمب بعض يا حلوتكم وانتو لابسين الابيض ملايكه ياأخواتى


بصو البصه اللى بيبوصها صعب عليا اوى اوى يا جماعه ده شكله بريئه براءة الذئب من دم أبن يعقوب ^_^لا وايه خارج من المحاكمه سعيد ومبتسم وبيسلم على الظباط وكأنه واخد براءه مثلا ولا حاجه فعلا يا عينك يا جبايرك والنبي انا مكسوف أعيرك
أما بقى الاخ الموقر لولو واللى أنا ف يوم من الايام كنت بقول عليه شكله غلبانه وجاى ف رجلين طلعت عليه جبروت الله أكبر ايه ده دى كلها قلاطه معاك خارج وماشي بعظمه وجبروت وكأنه مش عارف ان العظمه لله وحده وكمان مبتسم بسخريه وكأنه بيسخر منا وبيحط ايده على الكاميرا ومن غير حتى ما يبص عليها ايه ده كل ده كبر ف قلبك يا راجل ده الرسول قال ((لا دخل الجنة من كان في قلبه مثقال ذرة من كبر))


 الاخ جوجو كان بيتكلم مع باباه بالهمسِ.... واللمسِ ....والنظراتِ.... والصمتُ الرهيب.... والصمت الرهيب


القاضي بقى هو اللى كان بجد صعبان عليا ف الليله دى كلها كل شويه يقول لواحد المكرفون لوسمحت يا استاذ ...يا استاذ لو سمحت الميكرفون...والنبي يا استاذ ادى الميكرفون للى جمبك الظاهر انه كمان نسي المطرقه بتاعتو ف البيت عموما الله يكون ف عونه




أكتر حاجه بقى بجد ضايقتنى الظابط اللى عمال يسلم عليهم وهما خارجين وكأنهم كانو بيتكرمو جوه مش كانو بيتحاكمو بجد حاجه تفرس اوووووووووووف وهوه كمان منشكح اوى وفاتح ضبه من الشمال لليمين وكأنه كان ففرح أبنه ولا حاجه



أكتر حاجه بقى موتتنى من الضحك المحامى اللى كان بيطالب بتحليل الدى أن إيه
قال دى أن أيه قال ده أنت اللى ايه يا راجل ...ايه ياراجل حرام عليك هو لو مبارك او حتى الله يبارك فيك هتفرق ايه احنا عوزين حقنا يعنى لو هو مبارك وعمل كده لازم يتحاكم ولو مش هوه بردو لازم يتحاكم أحنا كل اللى يهمنى حق الشهداء اللى ماتو من الراجل ده اياً كان بقى مبارك ولا الله يبارك فيك ده سفك دماء شهدائنا وجوعنا وبهدلنا وشحطط اللى خلفونا يتنيل بقى يتحاكم حتى لو كان هو زعبوله 


وفي النهايه انا مرتاحه ومتفائله

3 اراء تهم احيا بحبك:

Casper يقول...

العنوان مخالف شوية للمضمون
هههههههه ولا انا بيتهيالي

==========

اللهم لا شماتة
وهكذا هو حال الدنيا

خالص تقديري لفكرك وقلمك
تحياتي

طالبة مقهورة ..درجة أولى يقول...

ربنا مبيسيبش حق مظلوم ابدا
وهما كسروا احلام كتير..وربنا بيعاقبهم على كده

متضحكيش من فكرة الدي ان ايه ديه
لأنها كانت منتشرة جدااااا في التحرير وخصوصا بين السلفيين ومعرفش العلاقة بس سمعتها كذا مرة في شهر 4 و5 لما كنت بنزل الجمعة

:)
المهم ايش احوالك واخباراتك انتي غير متفائلة يعني ;)

خواطري مع الحياة يقول...

يهمل ولا يهمل
الله بياخذ حق كل مظلوم
وحق كل شهيد من الظالم

هم ايه رايحين حفلة يسلموا عليهم
مستغربة من ده

العين بالعين والسن بالسن والبادي لظلم

ازيك يامونونتي؟؟؟؟؟؟؟؟؟؟
يارب تكوني ابل خير

كل سنه وانت طيبوة
ورمضان كريم
على فكرة انا سبت لك رساله على الايميل
عشان ارمض عليك هههههههههه

تقبلي مروري ^_^

Google+ Badge

اللى بكتبو هنا بتاعتى انا وبس وبقلمى و اى حاجه مش انااللى كتباها بقول مين كتبها وده نادرلمايحصل. يتم التشغيل بواسطة Blogger.