20

أنا لست حزينة

الاثنين، 10 أكتوبر 2011

أنا لست حزينه 
أنا فقط أحاول إستيعاب الأمر
أنا فقط عاجزة 
.
.
عن التصديق


بعد أن علمتني كيف أغفو من دون خوف 
بعد أن أصبح قلبي أسيرا لك 
بعد أن بات أحتياجى لك أكثر من أحتياجى للتنفس
.
.
.
تركتني


أنا لم أنكسر بعد 
أنا فقط أحاول أن أدرك 
كيف أتى ذلك اليوم الذي أحتاج لك فيه بشده ولا تأتى 
كيف تبكي عيني ولا يسقط على يديك الدمع
كيف ستغفو عيناك 
.
.
وانا لست معك


لا أخفى عليك سرا 
أنا أكاد أموت فزعا 
فلتمهلني فرصة أخيره 
لأحاول تعلم كيف
.
.
أغفو بدونك

~~~~~~~
للمره الأولى سأدون تاريخ كتابتي لتدوينه
وده لأنى حاسه انى هفتكر اليوم ده ف يوم
من الايام وهبقى حزينه جداااااااااااا
9/10/2011
الأحد
الساعة 11:32 م

20 اراء تهم احيا بحبك:

موجة يقول...

ليه يا منونة قلبى كده

اللى سابك لازم انتى كمان تسيبيه من جواكى قبل ما تفارقيه بشخصك
ارميه ورا ضهرك لانه لو يستحقك اكيد كان حافظ عليكى بكل كيانة وبكل دنيته

الحب هو العطاء وما اجمله لو كان من الطرفين

مدونة رحلة حياه يقول...

السلام عليكم
البوست دا قاسى جدا على غير ما اعدت مطالعته هنا
ربما لكتابته باحساس اقوى كثيرا
دومتى بخير

gogo!sf يقول...

طبعا الكلام جميل جدا ورائع ويوجع القلب
بس للى عنده قلبى
اعتقد ان الحبيب هنا ميعرفش يعنى ايه حب ويعنى ايه مشاعر رقيقه الا اذا كان كلبش فى القلب اللى بيموت فيه وبيحبو كل الحب الجميل ده

على العموم انا شايفه ان البطل مايستاهلش دمعه واحده من الحبيبه وخاصهً انها رقيقه المشاعر واحساسها رهيفه

اما بالنسبه للتاريخ
اكيد هتفتكرى اليوم ده بكل حاجه فيه ووقتها هتحزنى بجد لانك سمحتى لليوم ده انه يمر فى حياتك

اتمنى متكونش حقيقه

ربنا يسعد قلبك يا منونه يا قمر

انتى كمان وحشانى جدا جدا والله
والكتابه والمدونات كمان

غير معرف يقول...

مساء الغاردينيا منه
أصعب إحساس أن نتألم ونحزن
ولا نجد من يضمد ذلك الجرح
نكون بحاجته بشدة لأنه الروح
كيف نتقبل الحزن أو الألم دونه؟"
؛؛
؛
عزيزتي حرفك يبكي حزن وألم
كوني بخير وأتمنى عند قرائتك
هذة التدوينه بعد فترة أن تبتسمي
لأنها لم تعد حزن "
؛؛
؛
لروحك عبق الغاردينيا
كانت هنا
reemaas

غير معرف يقول...

مساء الورد

أتمنى من قلبي بألا يأتي هذا اليوم

الذي تكوني فيه حزينة جداً بل تكوني

في أحضان رجل ملكك قلبه وأصبحتي

كل حياته ...

منه صعب أن يغادرنا من ملكناه أمرنا

ولكن لو فضل المغادرة فعندها سنلوم

أنفسنا لأننا لم نحسن الأختيار فلا

تحزني على من لم يقاتل ليحافظ على

قلبك ...

تحياتي وإحترامي

شوية قهوة يقول...

صعب اوي ان يكون في فحياتنا شخص يكون هوة كل حاجة
والخيانة تيجي منو بتكون صعبة قوي على الواحد انو يصدقها او حتى انو ينساه

Unknown يقول...

موجة...........

والله يا موجه عندك حق بس بردو لما يكون هو اللى بعد غير لما اكون انا كمان اخترت البعاد وانا اللى طلبته ورجعت ندمت عليه بس هو وافق بسهوله اوى وكأنه مستنيه

Unknown يقول...

مدونة رحلة حياه.....

هنعمل ايه ماهو هكذا حال الدنيا

Unknown يقول...

gogo!sf....

ربنا يخليك يارب يا جوجو وبجد انا بدأت ازهق من الحب أصلا وقربت أقتنع بالمقوله اللى بتقول مفيش حاجه اسمها حب

Unknown يقول...

ريــــمــــاس....

متشكرة يا ريمى وربنا يخليكى يا حبيبة قلبي تعرفى لو عدت مرة صدفها ومعلقتيش بحس انى مكتبتش بحبك ف الله

Unknown يقول...

ريبال بيهس...

ياريت يتحقق كلامك بس انا فعلا فقدت الامل ف موضوع انى اكون مع اللى ملك قلبي يااااااااااااااه والله تعبانه

متشكرة جدا لاهتمامك

Unknown يقول...

كلام من قلبي

بالظبط كده يا جميل انتى جبتى المختصر المفيد

وحشانى جدا انتى بقيتى بتغيب كتير اوى كده ليه وفين بوستاتك الحلوة عاوزة اشوف حاجه قريب

Casper يقول...

مازلت مصمم على أن أسلوبك يا منة ما شاء الله في تطور مستمر كإحساس وككلمات وكتعبيرات

تعليقي سيكون على الحزن الذي ربما يقتل الانسان في اليوم ألف مرة

دعي الحزن وانتظري غدا مشرقا تحمل شمسه سعادة غامرة في هذا اليوم الجديد

أسعد الله أيامك
الله آمين

بالتوفيق

Casper

د.ريان يقول...

صباح الخير منه

ويسعد أوقاتكِ بكل خير

وسلامتكِ من ألم الحزن والذكريات

وأسلوبكِ رائع ولا يعلى عليه في الوصف

لدرجة اني أحسست بين السطور بكل معنى

وعسى أن يمتلىء قلبكِ بكل سعادة


دمتم بكل ود

Unknown يقول...

Casper....

بجد متشكرة جدا يا اسامة على رقة كلامك والله فعلا بفرح جدا لما بتقولى كده وبتشجعنى جدا كلماتك دى

وصدقنى لو بأيد والله حاولت كذا مرة اكتب حاجه فيها شويه فرح عشان اكسر حدت الحزن اللى مغيم على كتاباتى بس والله ما عارفه اكتب ولا حرف مش بلاقي طالع من جوايه غير حزن وبس

Unknown يقول...

د.ريان ....

متشكرة جدا يا دكتور ريان فعلا احساسك الصادق واصلنى ويارب يسمع منك ربنا ويجى حتى لو شوية سعاده صغيرين
يكفين لاسعد تواجدك هنا

الاحلام يقول...

اختى العزيزه
لابد من حالة الحزن فى المواقف التى لا تقبل الا الحزن ولكن لابد ايضا ان نفيق سريعا حتى ندرك الحياه ولا ندع انفسنا الى حاله الياس والحزن الشديد
اسعد الله ايامك تحياتى ابوداود

Unknown يقول...

ربنا يرفع عنك
ما انتى فيه ويغير
الحال الا الاحسن ويجعله
تاريخ سعادة لك ولكل من حولك

Unknown يقول...

الاحلام....

متشكرة جدا يا ابو داوود على دعمك المستمر ليه

Unknown يقول...

norahaty .....

ربنا يخليك ومتشكرة جدا على زوقك

ويارب يصمع من بؤك ربنا

اللى بكتبو هنا بتاعتى انا وبس وبقلمى و اى حاجه مش انااللى كتباها بقول مين كتبها وده نادرلمايحصل. يتم التشغيل بواسطة Blogger.