18

الحمدلله

السبت، 5 نوفمبر 2011

بأختصار كده انا الحمدلله بقيت كويسه وايدى رجعت كويسه الحمدلله 
ميرسي اوى يا اسماء الغامدى لاهتمامك وسؤالك عليا ومتشكرة جدا يا قمر 
ومش هنسهالك وربنا يديم المحبه بنا والاستاذ احمد سمير صراحة  اول
مره اعرف حضرتك بردو ميرسي اوى على سؤالك
متشكرة جدا لكل الناس اللى مسألتش عليا وبقولكم الحمد لله
انى عرفت قد ايه بتحبونى وقد ايه قلوبكم كبيره كنت متوقعه 
اهتمام من ناس كتير اوى غالين عليا جدا وللاسف محدش فيهم طلعت انا
غاليه عليه فعلا بلوجر ده طلع عالم غريب كله مجاملات ونفاق 
وساعة لما تحتاج كلمة حنينه متلقيش حد يكون جمبك ويسأل عنك وقت 
ما تكون محتاجه بردو ميرسي اوى ميرسي جدا ميرسي يالا
كتبت عنكم الكلام ده وانا حساه اوى وطلع احساسي كدب 
انا زعلانه منكم اوى وعيطت اوى انا لما كتبت البوست كنت بهزر 
ف طريقة السرد بس انتو عرفين لما بكتب اى حاجه بره 
الخواطر بتكون بسخريه حتى لو كانت حاجه مؤلمه وانا فعلا 
كنت تعبانه اوى وانا مش قادرة استخدم ايدى بس اللى تعبنى 
اكتر انى ملقتش حد فيكم جمبي ولا واحده ولا واحد منكم 
ياااااااااااه لدرجادى انا مش غاليه عليكم انا اسفه انى مش 
هقدر اصدق اى حد فيكم تانى بعد كده انا 
موجوووووووووووووعه اوى منكم
اللى فيكم يعرفنى 
كويس هيعرف انه منه مبتقولش حاجه غير وهى حساها اوى
انا كأني بصيت ف مرايه بينتلى صورتكم اللى مستخبيه عن عينى ومكنتش شيفاها
اقسم بالله انى بكتب الكلام ده وانا دموعى على خدى
الحمدلله انى عرفت قيمة نفسي 
.
 .
 .
 .
 .
 .
 .
عندكو

18 اراء تهم احيا بحبك:

عمرو يسرى يقول...

الف سلامه عليكى ايه الحكايه شكلى غبت كتير عنكم ايه اللى حصلك لعله خير
حمد الله على سلامتك

AHMED SAMIR يقول...

حمدا لله على السلامة
و لا تعتبي كثيرا على الناس
فالدنيا تلاهي...و كل واحد لديه من المشاغل و الهموم الكثير
تحياتي و كل عام و انتي بخير

ツSmiLeY AnGeLツ يقول...

الف سلامة عليك ياقمر
والله ان الجهاز بتاعي خربان
الان اكتب لك من اللاب حق صحبتي سابته عندي
الف سلامة عليك
ايه الي حصل لك؟
وامتى وزاي وكيف؟؟؟؟؟؟؟؟؟؟؟؟

ساميحيني والله مش بيدي
وانت عارفة انك غاليه عليا اوي

كل سنه وانت طيوبة ياقمر
متزعليش مني ^_^

Ramy يقول...

أيه بقى

ها

يعنى اغيب شوية يحصل كده

.........

كل سنة و انت طيبة

عيد أضحى سعيد عليكى و على الاسرة

و يارب دايماً مبسوطة و بعيد عنك الحزن

beautiful mind يقول...

والله العظيم انا اول مرة اقرا واعرف انك تعبانه
انا النت عتدي بايظ بقاله اسبوع
الف حمدلله علي سلامتك
وان شاء الله لا بأس
ام شاء الله هطمن عليكي

Bent Men ElZman Da !! يقول...

الف سلامه عليكى يا جميله
معلش مش قولتلك الف سلامه الا متأخر اعزرينى
الحمدالله انك بقيتى احسن
وكل سنه وانتى طيبه وعيد سعيد عليكى يارب :)

Rozy يقول...

سلامتك يامنة :(
والله ما أعرف انك تعبانة ولا قريت
اخر مرة دخلت ساعة ما علقتلك على اخر حاجة كتباها..

هو ايه اللى حصل لأيدك طمنينى
الف سلامة عليكى وان شالله تكونى بخير دلوقتى .

كل سنة وانتى طيبة.. : )

د.ريان يقول...

الف حمد الله على السلامة منه

وكل عام وأنتم بخير أنا باعتذر لأني ماكنتش اعرف

ومش معقول نكون معاكم في افراحكم ونهرب في احزانكم

بالعكس بيعز علينا اي اخ وأخت غاليين يتعرضو لأي مصيبة

وان شاء الله تكون اخر احزانكم وسلامة دموعكم منه

كل عام وأنتم بخير منه

الاحلام يقول...

حزين لما يحدث وان شاء الله كله خير والقادم احلى واحسن بامر الله
كل سنه وانتى بكل صحه وسعاده وان شاء الله تكون الايام القادمه احلى ايامك
تحياتى وتقديرى ابوووووووووداود

Unknown يقول...

عمرو يسرى ..

اللى حصل حصل خلاص

والحمدلله بقت بخير

متشكرة لسؤالك

Unknown يقول...

AHMED SAMIR....

متشكرة وكل سنة وانت طيب

Unknown يقول...

خواطري مع الحياة...

ولا يهمك يا رشا انا

خلاص اخدت حصانه ضد الزعل

عادى بقى

Unknown يقول...

Ramy...

المششكلة يا رامى انكو كلكو

اتشغلتو مرة وحده

يا سبحان الله معجزة دى ولا ايه

ولا واحد فاضي يسأل عليا بجد

حاجه مش تعقل وخصوص انى مش بقصر

مع اى حد ف الفرح والحزن معاكو

اللى بيشركنى واللى مش بيشركنى

عموما حصل خير وكل سنة وانت طيب

Unknown يقول...

beautiful mind....

ولا يهمك يا ابراهيم

انا اصلا اتعودت ان مش

بفرق مع حد وعموما مكنتش اعرف

ان النت قطع والكمبيوترات اللى ف
البلد كلها باظت وكمان الموبيلات سبحان الله ايه الصدفه دى ف عيد ميلادك انا اول من هناك ولما عينيك وجعتك انا بردو اول من سأل عليك مش بعيرك انا بس بوريك مين فين فاكر التانى وفارق معاه ومين فين مش فارقه معاه وعموما بردو عادى مش هقول غير كده

Unknown يقول...

Bent Men ElZman Da !!....

متشكرة يا دينا وانتى طيبه يا قمر

Unknown يقول...

ღ..Rozy.. ღ...

مفيش يا روزى ايديها كانت تعبانه شويه ومش بتتحرك خالص

بس الحمدلله بقيت احسن وبخير\

متشكرة على سؤالك يا قمر

Unknown يقول...

د.ريان...

متشكرة يا دكتور

ربنا يخليك منجلكش ف حاجه وحشه ^_^

Unknown يقول...

الاحلام....

متشكرة يا ابو داوود ربنا يخليك والحمدلله على كل شيئ

وانت طيب وبالصحه والسلامه

اللى بكتبو هنا بتاعتى انا وبس وبقلمى و اى حاجه مش انااللى كتباها بقول مين كتبها وده نادرلمايحصل. يتم التشغيل بواسطة Blogger.