21

رحل عنى اغلى الناس

السبت، 31 ديسمبر، 2011
بكتب انهارده وانا كلى حزن ودموعي على خدى بكتب  عشان اقول لكل حد بيحبنى بجد وبعتبرنى أخته او صحبته او حتى وحده معرفه أتوفى اغلى حد عندى في الدنيا بعد ربنا وسيدنا محمد عليه الصلى والسلام اللى هو ابويا مات اطيب وارق واحن اب في الدنيا كلها مات اللى عمره ما حرمنى من اى حاجة مات اللى كان بيقولى انت فرحة عمرى يامنه اللى كان ديما يفكرنى انى وش الخير عليه مع انه هو اللى كان وشه خير عليا معرفش ازاى هرجع من الكلية وملقهوش معرفش ازاى هخرج من البيت الصبح من غير ما ابوس ايده واقولو ادعيلى يا بابا معرفش ازاى هعيش في الدنيا من غير ما اسمعك وانت بتقولى ربنا يسعدك ويهديكى يا بنتى معرفش ازاى هيكون للدنيا طعم من غير ماسمعك وانت بتقولى مسامحك وقلبي راضي عنك معرفش ازاى هصحى الفجر وملقيش سجادتك مفروشة وبتقولى صليت ودعتلك معرفش ازاى مش هصحى على صوتك وانت بتقولى قومى افطرى معايه ونامى تانى معرفش ازاى هتحلى الدنيا يا بابا وانت مش فيها معرفش ازاى هشوف مصر تانى حلوة وانت مش بتحكيلى عليها حبيت مصر قبل ما عيش فيها من كتر ما حكتلى عليها دلوقت معرفش ازاى هعيش من غيرك فيها هطلب منكو طلب وياريت تنفذوه لو فعلا غليا عليكو استحلفكو بالله انكو تدعو لابويا بالرحمة والمغفرة وان ربنا يصبر امى ويصبرنى على فراقه
أتوفى أبويا يوم الاثنين الموافق  26/12/2011
تخيلت قبل كده انى عدى عليا ابشع ايام حياتى لكن بفراقك يا ابي كانت طامتى الكبرى 

21 اراء تهم احيا بحبك:

كلام من قلبي يقول...

ربنا يصبرك بجد
انا حسة بيكي جدا
اصعب شيء بجد انك تفرقي الاب او الام
عندي مفس الاحساس دا لان انا كمان فقد بابا وفقدت معاه الكلمة الحلوة والحضن الدافي
ربنا يصبرك ويصبر امك
ربنا يرحمه ويرحم وببايا وكل اموات المسلمين يا رب
امين

كلام من قلبي يقول...

ربنا يصبرك بجد
انا حسة بيكي جدا
اصعب شيء بجد انك تفرقي الاب او الام
عندي مفس الاحساس دا لان انا كمان فقد بابا وفقدت معاه الكلمة الحلوة والحضن الدافي
ربنا يصبرك ويصبر امك
ربنا يرحمه ويرحم وببايا وكل اموات المسلمين يا رب
امين

Bent Men ElZman Da !! يقول...

قلبى واجعنى عليكى اوووى يا منه
انا حاسه بموقفك واحساسك والحزن اللى جواكى
ربنا يرحمه ويجعل مثواه الجنه ياااارب
وقادر ربنا يصبرك على فراقه
مفيش فى ايدك غير انك تدعيله بالرحمه عشان تكونى الولد الصالح اللى بيدعو ليه دايماً
ربنا يهون الايام الصعبه عليكى يا حبيبتى

اللهم انقله من ضيق اللحود و القبور إلى سعة الدور و القصور مع الذين أنعمت عليهم من الصديقين و الصالحين والشهداء

ღ..Rozy.. ღ يقول...

اقسم بالله أنى اتألم من أجلك
أنفطر قلبى مماتشعرين به الآن :(
رحم الله لكِ والدك وأسكنة جنات النعيم
وغفر له ذنوبه وتوفاه مع الأبرار الصاحلين ..
اللهم امنحكم الصبر ياحبيبتى أنتِ ووالدتك وكل من تألم لفراقه..

إنا لله وإنا إليه راجعون يامنة
ادعى له حبيبتى وسندعوا له من أجلك.

كونى بخير يامنة من أجله ومن أجل
والدتك ومن أجل من يحبوكى.

روزى

miroooo يقول...

ربنا يصبرك يا منة
اصعب احساس فى الدنيا فقد اعز الناس وهما الاب و الام
من حقك تزعلى طبعا على باباكى زى ما كلنا زعلنا علشانه بس باردو احمدى ربنا ان مامتك موجودة بجانبك خلى بالك منها
ربنا يرحمه ويسكنه فسيح جناته
ربنا يصبرك انتى وامك و اهله جميعا
قلبى معك حبيبتى

أسماء الغامدي يقول...

أختي و صديقتي منه ..
رحم الله والدك وغفر له ماتقدم من ذنبه وماتاخر
و ألهمكم الصبر و السلوان لفراقه
أسأل الله أن يجعل مثوآه جنات الخلد
و يجمعكم به في الفردوس الأعلى
أدرك أن اي الكلمات لن تخفف عنك
فليس بعد الأب شيء أهم و لا أعظم
غاليتي ..
أكثري من الدعاء و الصدقة عنه وله ..
فليس هناك خير له الان من الدعاء و الصدقه ..


أعانك الله و صبر والدتك وإياك على فقده ..

beautiful mind يقول...

ربنا يرحمه ويسكنه فسيح جناته
معلش ما عليكي سوي الصبر والدعاء له
وربنا يلهمكم جميعا الصبر والسلوان
وانا لله وانا اليه راجعون

سواح في ملك اللــــــــــــــــــه- يقول...

انا لله وانا اليه راجعون

اللهم اسالك ياعلي ياعظيم ان تسكنه

فسيح جناته

البقاء لله

♥نبع الغرام♥♪≈ يقول...

ربنا يصبرك

حاسه بيكى
وحاسه بالفراق اللى بيوجعك
ربنا يصبركم يارب حبيبتى


وانا لله وانا اليه راجعون

mohamed amer يقول...

انا لله وانا اليه راجعون
البقاء لله
وربنا يصبرك ويرحمه ويجعل مثواه الجنه ان شاء الله

foued يقول...

البقاء لله
كلامك ابكاني
ومزق قلبي
يارب يرحمه ويصبر قلبك

foued يقول...

لله الامر من قبل ومن بعد ...
"والذين اذا اصابنهم مصيبه قالوا انا الله وانا اليه راجعون "

ربنا يصبر قلبك

اول مره في حياتي اعمل كومنت كدا
كلامك ابكاني بكاء شديد

لا اجد ما اقول غير لله الامر

ابن السور يقول...

لا يموت من له محب
انه يبقى من جديد وان رحل جسده
ابدا لا حزن يترافق مع ذكريات حيّة بل هي منتعشه في القلوب والنفوس

الاحلام يقول...

ان لله وان اليه راجعون ادعى له منه ان يكون فى الجنه وان شاء الله الصبر يكون حليفكم فى الايام القادمه
اتمنى ان تخرجى سريعا من حاله الحزن ونراكى زهره جميله متفتحه كما انتى فالحياه مستمره
اللهم اجعله فى الفردوس الاعلى وصبر اهله دوما يارب العالمين

محمود(باحث عن حب) يقول...

ربنا يصبرك يا منه يارب
اللهم اغفر له اللهم ارحمه

الاحلام يقول...

منه
عامله ايه دلوقتى واخبارك ايه يارب تكونى على ما ييرام ونراكى هنا قريبا
تحياتى ابوداود

Zawag alnaddy زواج النادى يقول...

السلام عليكم ورحمة الله وبركاته جزاكم الله خيرا على هذا الموضوع الجميل وانتهز الفرصه واحب ان اوضح ان الزوجه هيا كل الحنان والعطف والأشواق لزوجها والزوج هوا كل الدنيا التى تفرح بها الزوجه للقأ زوجها يجب التعارف بينهم والله موضوع جميل ومشوق... بارك الله فيكم يا شباب

ريـــمـــاس يقول...

صباح الغاردينيا منة
أنا أسفة ياحبيبتي والله مكسوفة منك بس والله يامنة كنت غايبة عن التدوين ولازلت في المستشفى وحتغيب كمان الاسبوعين الجايه بس شفت تعليقك جيت جري ربنا يرحم الوالد ويسكنه فسيح جناته انا حاسه بيكي عشان انا كمان فقدت بابا وعمر حزنه ماساب قلبي يوم بجد يامنه قد مابحبك عمرك ماوحشتيني زي النهرده يمكن لاني حاسه بوجعك دلوقتي وحاجتك لحد يكون جنبك عشان خاطري وحياتي عندك طمنيني عليكي دايماً "
؛؛
؛
لروحك عبق الغاردينيا
كانت هنا
reemaas

عاشقه الرومانسيه يقول...

البقاء لله
ربنا يرحمه ويغفر له ويجعل الجنه مثواه ياااااارب

كان نفسى اجيلك فى ظروف افضل من كده

وجعتى قلبى بجد وفكرتينى بالغالى
ربنا يرحمهم ويرحم اموات المسلمين ياااااااااااارب

جايدا العزيزي يقول...

البقاء لله حبيبتى

ان لله وان اليه راجعون

ربنا يصبر قلبك

ويرحمه يارب ويسكنه فسيح جناته

اقسم بالله يامنه ما اعرف

سامحينى ربنا عالم بالى بيا

زعلك منى على عينى

ارجوك انت من اغلى الناس عندى

ورحمه بابا سامحينى

غير معرف يقول...

الله يرحم والدك يا منه ويرحم والدي رحمه واسعه ويدخلهم الجنه بغير حساب ولا سابقة عذاب ويجازيهم جزاء الاصابرين وان ييسر حسابهم وييمن كتابهم وييسر علي الصراط ممشاهم ويجمعهم بالرسول الكريم في جنات النعيم ويسقيهم من يده الشريفه شربه هنيئه مريئه لا يظمئوا بعدها ابدا يارب ويصبرنا علي فراقهم يارب لان لا عوض عن الاب رحمة الله عليهم وعلي جميع اموات امة سيدنا محمد

Google+ Badge

اللى بكتبو هنا بتاعتى انا وبس وبقلمى و اى حاجه مش انااللى كتباها بقول مين كتبها وده نادرلمايحصل. يتم التشغيل بواسطة Blogger.