حسبي الله ونعم الوكيل

أولاً كل سنة وانتم طيبين جميعا  وكل سنة وكل المدونين ف خير وسعاده وهنا وربنا يتقبل منا كلنا صيامنا وقيامنا ف الشهر الكريم بأذن الله

 ثانيا بقى انا كنت ف العريش امبارح وروحت بيتنا الحمدلله وانا دموعى على خدى وقلبي بيتنفض من الرعب والخوف وكمان من بشاعت ما رأت عينى من قسوة وجهل وتخلف اللى حصل كالأتي كنت ماشيه ف الشارع انا واخويه وسمعت صوت ضرب نار مجاش ف بالى طبعا ف الاول انه ضرب نار ولكن كنت فكره انها مجرد صواريخ او شيئ من هذا القبيل وبيشعلها الاطفال عشان رمضان لكن للاسف مكنش كده بعد ما دخلنا محل عشان نشترى بيتزا كنت قاعده وفجأه الصوت عليِ وقرب اوى اوى اوى وأذ بأكتر من 30او 40 عربيه عليهم رجاله واطفال وشباب لبسين جلاليب وفوق الجلاليب حاجه كده زى سويتر او جيلاه وعلى دماغه متعصبين بشمله زى الشمله بتاعت فلسطين كده وفأديهم مصاحف ورشاشات وعملين يدربو نار طبعا كل الناس اترعب واللى كان بيجرى واللى كان بيستخبى وكان الصوت المنظر فعلا مرعب وكل الناس كان همهم تنجو بحياتها منظر بقى قطع قلبي راجل بينده لاولاده وصوتوكله رعب ورهبه وخوف عليهم وبيشدهم وبيخبيهم جوه حضنه وبيجرى بيهم السؤال بقى هما الناس دى عاوزين ايه وليه كده ده حرام يروعو المسلمين كده والاطفال كمان زنبهم بلاش ده وبلاش ده الاسخف بقى بيقولولك ايه احنا بنستعرض القوة زى الرسول ....الرسول يا ابو جهل منك له وعلى حد علمى والله اعلم طبعا كان بيستعرض القوة على الكفار احنا مش كفار يا متخلفين احنا مسلمين وحتى لو ف بينا مسيحين كمان احنا اخوات هما مصريين زينا ومن حقهم يمشو ف الشوراع من غير ما يترعبو او يخافو اتقو الله وارحمونه اللى ماتو امبارح دول زنبهم ايه والطفل اللى امه زمنها بتكبى عليه كمان زنبها ايه تحرقولها قلبها كده حسبي الله ونعمه الوكيل واللهم لك ألف حمد وشكر يا رب انى انا وأخويه خرجنا من الموضوع ده على خير وربنا يرحم اللى توفاهم الله وصبر اهلهم وألهمهم الصبر والسلوان