20

بحبو حد ليه شوق ف اى حاجه

الأحد، 17 أبريل، 2011



بحبو وبموت فيه ومش عارفه اعيش غير ليه بيوحشنى وهو معايه

وديما حاسه ان روحي فيه عارفه انكو ممكن تقولو انى بقيت بجحه 

 شويه وبقيت جريئه بس انا بصراحه حاسه انى عاوزه اقول انى بحبو 

 اوى اوى اوى اوى يمكن يكون عشان مبتطمنش غير وهو معايه مبحسش 
  
 بطعم الدنيا غير وانا جمبو يمكن عشان حنيتو هى كل اللى كنت بتمناه من   

الدنيا يمكن عشان مش مخلينى محتاجه حاجه ف الدنيا يمكن عشان هو جميل
  
 اوى اوى اوى اجمل راجل ف الدنيا غيرتو عليا بتخلينى طايره من الفرحه

 راجل كده وحمش بيخاف عليا من كل حاجه ديما بيوجهنى للصح وبحب اسمع 

 كلامو ده طبعا بعد ما انهدو شويه وديما لما بعاند برجع الاقيه هو كان صح من الاول

 نفسي اسرخ واقول للناس كلها انى بحبو اوى نفسي اخدو من ايدو واوريه لكل الناس

 وقولهم ده حبيبي انا ده عمرى انا ده احلى حاجه حصلتلى ف حياتى انى قولو بقى انى 

 بجحه جريئه حتى قليلة ادب مش مهم لان حبي ليه وحبو ليا هو اكتر حاجه بفتخر بيها 

 وبفتخر انه حبيبي يارب يجي اليوم اللى هكون فيا ام لاطفال انت ابوهم اكيد هما كمان 

 هيفتخرو بيك لكن على الاقل ف نظرى انا اعظم واجمل واحن راجل ف الدنيا كلها









20 اراء تهم احيا بحبك:

Casper يقول...

خاطرة في غاية الروعة يا منة
رغم بساطتها إلا أنها تحمل أسمى معاني العشق والوفاء

خالص تقديري لابداعك
Casper

ريــــمــــاس يقول...

كـ أميرة تختالين بعشقة تتباهين بنبضات قلبه تشعرينها بداخلك تتمنين لو تسمعينها لكل الناس تحلمين بكفيه بين يديكِ لتقولين لكل البشر هذا حبيبي ..هذا وحدة من أحببت ..هذا وحدة من أخترت ..وتدركين أنه رجلاً لن يتكرر لأنه عشقكِ الأخير وعشقكِ الأول "
؛؛
؛
منة ياطعم السكر
ورب محمد وكأني أسمع نبضات قلبك بين السطور وتكتكات العشق في صدرك تختال بغرورو لتقول لنا ..أنا عاشقة حتى النخاع ..وماأجمل العشق حين تناثر بين أناملك بأرق الكلمات "
؛؛
؛
لروحك عبق الغاردينيا
كانت هنا
reemaas

موجة يقول...

مممممممممممممم
عمر الحب البرئ ما كان قلة ادب ولا بجاحة
ولا عمر المشاعر الحلوة اللى قريتها دى تشين بنى ادم بالعكس دى تزينه وتخليه جميل
بس حاسبى شوية
حتى الحب بيخوف
خلى بالك على قلبك
لانه غالى
حبى واتحبى وربنا يفرحك مع حبيبك يارب
ويكون هو نصيبك
لو فيه خير ليكى
بس بقولهالك تانى
وهفضل اقولهالك علطول
خدى بالك من قلبك
:)
تحياتى ليكى ياقمر

حَـبآيـۃْ.بـטּـدۉڷ يقول...

منووووونتِي ..
وحشتِيني بقى .. ♥

وِ بعدين هو أنا مَدخُلش عندِيك
إلآ وألآقِيكِي بتحبِي كده يعني ؟

بحسد بس .. ;)

إنتِ فعلاً إسم على مُسمى " أحيا بِحبك "

طَب وانا أحيا بـإيه ؟
بحب منوون لِيه يعني ولا ايه ؟ :D:D
..

رَبنا يدِيم علِيكِ الفَرحه والسّعاده دي يارب دايماً .. :)

خواطري مع الحياة يقول...

يار تفضلوا مع بعض طول العمر
وتعيشوا لبعضكم وكل واحد يساند التاني
ويحب التاني اكثر واكثر
ربنا يوفقكم يارب ويسعدكم
وحشاني ياقمر ^_^
سلامي لاجمل قمورة.

جايدا العزيزي يقول...

منه

ولو حد ليه شوق بردوا حبيه

مالكيش غيرة ولا ليه غيرك

ربنا يسعدكم يارب

خاطرة رائعه لانها تعبر عما بداخلك حبيبتى

بس قوليلوا ماما جايدا بتقولك خلى بالك من منه لانها حبيبه قلبها

تحياتى

الاحلام يقول...

ياله من انسان محظوظ هذا فان الانسان التى تحبه حبيبته مثل هذا الحب يكن انسانا محظوظا حقا
جمال الكلمات وروعه المشاعر نراها دائما هنا تمتعينا دائما بها
دمتى دائما متالقه تقبلى تحياتى الاحـــــــــــــلام

mena يقول...

Casper......

متشكرة اوى يا كاسبر ده بس من زوقك

mena يقول...

ريــــمــــاس...

متشكرة اوى يا ريمى على كلامك الجميل ده واللى انا مستحقهوش والله ده كتير عليا ربنا ما يحرمنى ابدا من رقتك وزوقك وروحك الجميله دى

mena يقول...

موجة.....


متشكرة يا موجتى يا قمر ربنا يخليكى
واكيد هسمع بنصحتك وهحرص ولا هخونش

mena يقول...

حَـبآيـۃْ.بـטּـدۉڷ...

يا بندولايتى قلبي انتى حبيبة قلبي انا ربنا مايحرمنى من الدم اللى زى العثل ده

ويسمع من بؤك ربنا

mena يقول...

خواطري مع الحياة...

يارب يا روشا يا حبيبتى يا رب يسمع منك

انتى كمان وحشانى مووووووت يا قمرى

mena يقول...

جايدا العزيزي.....

حاضر يا اجمل وارق قلب عرفتو ف الدنيا كلها

انا من زمان وانا زعلانه من نفسي انى بقولك جودى او جايدا كده عادى بس مكنتش عاوزه اكبرك لكن لو قولت ماما جايدا هكبرك اوى انا هكتفى بأبله جودى وياريت متزعليش وتقولى انى بكبر بموت فيكى واقسم بالله

mena يقول...

الاحلام....

متشكرة اوى على زوقك

وانا اللى محظوظه انى

عرفتو وانو حبيبي وكمان

محظوظه ان حد محترم زى

حضرتك بينورنى ف مدونتى

فتافيت يقول...

مممممممممم
يا سلام يا سلام.. :)
حلو الكلام ^_*
ربنا يهنيكم... ببعض
بس ايه الرومانزية دي يا جميل :P

mena يقول...

فتافيت....

كفستينى يا بت انتي

وحشانى مووووووووووووت

(¯`·._.·TIGER·._.·'¯) يقول...

الخاطره طبعاً اكتر من روعه تسلم ايديكى

Ahmed يقول...

بصراحه

انا ليا شوق ان اقول "يا بخته...."

هو محظوظ طبعا انك تحبيه الحب ده كله

بس انا واثق انه يستحقه ان شاء الله

ان شاء الله ربنا يجمعكوا دائما ويؤلف

بين قلوبكم اكتر اكتر

وان شاء الله يرزقكم بمنه صغيره تتوج

الحب الجميل ده

mena يقول...

(¯`·._.·TIGER·._.·'¯)....

متشكرة اوى يا تايجر ده بس من زوقك

mena يقول...

Ahmed....

متشكرة اوى يا احمد على احساسك الرقيق

وقلبك الجميل ويارب يسمع من بؤك ربنا

Google+ Badge

اللى بكتبو هنا بتاعتى انا وبس وبقلمى و اى حاجه مش انااللى كتباها بقول مين كتبها وده نادرلمايحصل. يتم التشغيل بواسطة Blogger.