35

موعدنا الأخير....!

الأربعاء، 13 أبريل، 2011


أهذا موعدُنا الأخير أأتيتي لي طالباً الرحيل
أليس لديك عن الفُراق حلاً بديل
أم أن وجودي في دنياك أصبح مستحيل


إذا سأقول لك قبل الرحيل خُذ قلبي وأعطني عنهُ قلباً بديل
فأن أحيا في الدنيا بلاك هذا هو المستحيل وأن تدمع عيني
على سواك أبداً ف دمعي لن يسيل لابد لك عن الفراق حلاً
بديل ولابد لي أن أحيا معك أويكون الموت هو حلي الأخير



كيف لعمياء أن تُبصر طريقها بدون دليل وكيف ستتركني
وأنت تعلم أن ليس لي عنك بديل أزقتني طعم الهوا والأن
تسألنى الرحيل.......!؟

35 اراء تهم احيا بحبك:

re7ab.sale7 يقول...

ثالث مدونة ادخلها تكلم عن الرحيل
طب بجد بقي جننتوني
وانا اصلا في حالة متسمحليش اني اقرا الكلام ده من غير ما اعيط
بجد
انا اصلا مودي زفت

انــــــــ حياتى ــــــــت يقول...

جميلة جدا
ياه اول تعليق
تقبلى مرورى
مودتى

BNT ELISLAM يقول...

جميله اوى اوى اوى اوى
يامنه ماشاء الله عليكى واحساس رائع وتحدى وتمسك وعتاب مشاعر كتير حلوه

تسلمى على الابداع

Ramy يقول...

إزيك يا منة

البوست صعب قوى بجد

و الواحد مش مستحمل أساساً

بس فى المجمل هو جميل كعمل بدون تأثر سلبى من الحالة النفسية (:

كلام كبير دة (:

تسلم ايدك

mena يقول...

re7ab.sale7....

انا اسفه ياريري لو ازعجتك ويارب يفك كربك ويريح قلبك

mena يقول...

انــــــــ حياتى ــــــــت...

ميرسي يا قمر

نورتى كرري الزياره

اسعدنى تواجدك

mena يقول...

BNT ELISLAM....

ميرسي يا اجمل بنوته

ف الدنيا كلها ده بس

من زوقك وده من بعض

ما عندكم

mena يقول...

ramy....

انا تمام الحمد لله انتى عامل ايه يا رامى يارب تكون بخير ايوة كده طمنى عليك ونورنى من تانى بتعليقاتك

يارب يبعد عنك الشر ويريح قلبك انا فاهمه قصدك
كويس وحاسه بيك بس متألقش ان شاء لله بكرة هيبقى احسن من انهارده

elsha3er يقول...

السلام عليكم
أسلوبك جميل مرتب لكن اعتقد من وجهة نظرى فقط لا غير ان اعادة بعض الكلمات قد اعطته شئ من الثقل فى القرأة او تكرار افسد الجمال زى كلمة بديل \مستحيل
لكن اسلوبك سهل وبسيط فيه شئ من البساطة

تحياتى
ahmed mussolini

خواطري مع الحياة يقول...

والله والله عبجتني كثييييييييييييير
حبيت العزيمة والاصرار فيها
والله مش لاقيه كلام اوصف فيها اعجابي بالخاطرة
والله مش مجاملة ولا شي
روووووووووووووووووووووووووووووووعة
ازيك يامنونة؟؟؟؟؟؟
يارب تكوني بخير
تقبلي مروري ^_^

ريــــمــــاس يقول...

وماأصعب الرحيل والوداع وماأصعب ذلك القلب في صدورنا فلا نستطيع إبداله ولا نستطيع إسكات لهفته وإشتياقه "
؛؛
؛
منة
حرف رقيق حزين مغمس بـ الوجع حتى كدت أسمع أنين الحرف .. رقيقة أنتِ وجميلة الإحساس
لروحك عبق الغاردينيا
كانت هنا
reemaas

موجة يقول...

شوفى
عارفة ايه السر اللى بيخلينى مش بعلق على كل بوست ليكى؟
مع انى مش بفوت لك بوست الا لما اقراه والله
عشان كل اللى بتقوليه بحسه اوووى
وكانى انا اللى قايلاه
بيوصف الحالة اللى عايشاها
كل مرة اقرا البوست
تتصادف معايا انى عايشة نفس الحالة
بس
عشان كده
بكتفى بالقراءة والاحساس
ومبلاقيش اى تعليق
انتى جميلة وكتابتك رائعة

بــــ الخطاب ــن يقول...

ايه الكلام الكبير ده
يابخته ويبقى غبى لو سابها

Casper يقول...

خاطرة جميلة رغم الحزن الطاغي على أحرفها
___________

فقط تحتاج إلى بعض المراجعة النحوية
خالص تقديري لفكرك وقلمك

تقبلي مروري

الاحلام يقول...

اين سيذهب ويترك هذا القلب الحنون اين سيذهب ويترك هذا الاحساس الجميل اين سيذهب ويحزن انسانه تحبه هذا الحب الكبير
لو انسان يحب حقيقى ويخاف على حبيبته لا يمكن ان يفكر فى الرحيل اخاف على هذا القلب من الجراح بسبب الرحيل
كلماتك قمه فى الروعه والاحساس تقبلى تحياتى الاحـــلام

د.ريان يقول...

صباحكم ورد منه

وبوح رائع وجميل من قلمكم الذي يبدع بكل مرة

وهنا كانت الكلمات مؤثرة وعميقة بشكل رائع

سرني الصباح هنا سيدتي

دمتم بكل جمال

(¯`·._.·TIGER·._.·'¯) يقول...

بجد التوبيك نكد كالعاده بس تحفه اوى يا منه

♥نبع الغرام♥♪≈ يقول...

مافيش احسن من الكلام اللى بيطلع من القلب مباشر

الله علييييييييييكى
بتبهيرنى بأدئك الرائع حبيبتى

♥نبع الغرام♥♪≈ يقول...

وحشتينى وحشتينى وحشتينى اوووووووووووووى

واسفه انى متأخرة

بس بجد انتى ليكى مكانه بقلبى كبيرة اووووووووووووووووى


خلى بالك من منة

mena يقول...

elsha3er.....

متشكرة اوى الكلام الجميل

وان شاء الله هاخد بالى بعد

كده من الحكايه دى

mena يقول...

خواطري مع الحياة........

ميرسي يا رشا يا حبيبة قلبي ربنا يخليكى ليا ولا يحرمنى ابدا من رقة كلامك وقلبك الطيب ده

انتى وحشانى اوى يارب تكونى بخير
ويارب ديما يديم المحبه والخير بنا

mena يقول...

ريــــمــــاس....

ريمى يا روح قلبي ميرسي يا قمر الكلام الجميل ده ده احنا بنتعلم منك الرقه والاحساس يا اجمل وارق الناس

mena يقول...

موجة.....

انا كفايه عليا انك بتنورينى بوجودك

ويارب اكون بقدر اوصلك احساس ويارب

لو بضايق ميصدفش انى اكتب حاجه انتى

حاسه بيها

انا بس بيوحشنى كلامك وبيوحشنى تعليقك

وببقى عاوزه اطمن عليكى نورتى

المكان يا اجمل موجه ف الدنيا

mena يقول...

بــــ الخطاب ــن....

ههههههههههه احنا بنتعلم منك

ولا بختو ولا حاجه دى امو دعايه

عليه ههههه نورتى ونورت المدونة

mena يقول...

Casper...

متشكرة اوى يا كاسبر

بس بليز بقى تعزورونى

انا ضعيفه جدا ف النحو

والاملاء لسه بحاول اتعلم

يا تسعدونى يتستحملو غبائي

هههههههه^_^

mena يقول...

الاحلام...

متشكرة جدا يا استاذي

العزيز على مشاعرك الراقيه

واحساسك لطيب وعلى كلامك

الرقيق شرفاً لي ان يروق لك

ما اكتب اسعدتنى زيارتك وكلماتك

mena يقول...

د.ريان....

صباح الخير يا دكتور

منور الدنيا كلها

متشكره اوى على المجامله

الرقيقه انا اللى سعدتُ

جدا لتواجدك عندى ولتشريفك

مدونتى دمت بكل خير وسعاده

mena يقول...

(¯`·._.·TIGER·._.·'¯)....

هو انت اللى يعرفك يفرح ابدا

يا اكبر نكدى ف الدنيا كلها

اصلا انا مخصماك اتصلت بيك كتير

ومردتش عليا عملى فيها مهم اوى

حضرتك تلاقي اصلا محدش معبرك غيري

هههههههههه ليكى وحشه يا واد انت

اسماعليه عامله ايه وحشتنى وبيتنا

وحشنى اوى عارف انا مجتش من امتى والله

بقالى شهور

mena يقول...

♥نبع الغرام♥♪≈.....

ميرسي يا عمرى ربنا يخليكى ليا

ولا يحرمنى منك ابدا

mena يقول...

♥نبع الغرام♥♪≈....

انتى كمان وحشانى موووووووت

بس انا كنت مخصماكى بقالك كتير

غايبه عليه ومش بتسألى يارب تكونى

بخير ديما اجمل وارق بنوته ف بلوجر

كلو وربنا يعلم انا بعزك قد ايه

محمود(باحث عن حب) يقول...

ياااااااااااااه
قاسيه
وجميله
يا منه

محب روفائيل يقول...

هذه القطعة جميلة جدا ورومانسية

بس هو فيه أيه ؟ يا رب يكون خير يعنى ،و وبتتكلمى عن حاجة قديمة مش جديدة :)

أدعوكى لزيارة مدونتى محب روفائيل .

mena يقول...

محمود(باحث عن حب.....

متشكرة اوى يا محمود على فكرة انا كويسه متقلقش عليا انا بس عندى شويه مشاكل وكنت عاوزه اكلمك محتاجه لمساعتدك لو ممكن سيبلى رقمك تانى ف مسج وانا عامله اشراف على الرسايل مش هظهرها

mena يقول...

محب روفائيل...

متشكره اوى اوى اوى

ده بس من زوقك وعلى فكرة

هى فعلا قديمه انا دلوقت

قلبي ف احسن حالتو والحمد

لله واكيد هاجى انا كنت من اصدقاء

المدونة بس انت بقالك فتره تقريبا

مش كتبت حاجه

محب روفائيل يقول...

العفو يا منة :)
على فكرة المدونة بتاعتى التحديثات بتاعتها مش بتوصل لبعض المتابعين وبالتأكيد منهم أنتى على ما أعتقد .
بس أنا من آخر مرة انتى جيتى فيها كتبت ما لا يقل عن 50 تدووينة :)

منتظر أرائك فى موضوعات مدونتى لأنها تهمنى ، وكمان علشان المدونة تنور شوية :)
ها قلتى أييييييه ؟
أوك ، خلاص سمعتك :)

Google+ Badge

اللى بكتبو هنا بتاعتى انا وبس وبقلمى و اى حاجه مش انااللى كتباها بقول مين كتبها وده نادرلمايحصل. يتم التشغيل بواسطة Blogger.