7

ليه

الأحد، 26 يونيو 2011
 ليه مش قادره اطلعه من قلبي ليه مش قادره اعيش من غيره
ليه هو كمان كمان مش عاوز يسبنى ليه مش عاوز يفهمنى
ليه مش عاوز يصقد اننا مش لبعض ليه مش عاوزه يفوق
من الحلم اللى مش ممكن ابدا يكون حقيقه ليه عاوز يستنى لحد
اخر لحظه كل شويه يقولى بكره هيبقى احلى ليه انا هو مش قدرين
نشوف اللى كل الناس شيفاه ليه انا مش قادره اعيش غير معاه ليه
لما ببعد عنه برجع جري واقولو سمحنى واترجاه وليه بيسامحنى 
وليه بيقولى كنت هموت لما سبتينى مع ان بعدنا مبيكملش الساعه
بس بتعدى كأنها سنين ليه مبيضعفش غير قدام دموعى ليه انا حاسه
كسرها ليه حاسس بالذنب انى انا نقطة ضعفه ليه عمر دموع مابتنزل
غير علشان وبس ليه عمرى ما بنام ولايغمضلى رمش غير لما يكون معايه 
على التليفون ليه عمر ماراجل بيلفت نظررى مهما كان جماله وجاذبيته غيرك
 ليه لما بيكون مش معايه والله بحس انى مش اتنفس وانى بتخنق زى السمكه
لما يطلعوها من المايه واجرى اكلموه واقوله انا مش عارفه اتنفس وليه بترد
فيها روحى لما اسمع صوته وليه خوفى مبيهربش غير لما يكون معايه وليه
بعد ده كله متجوزوش وليه بعد ده كله مكنلوش الزوجه الصالحه وام لاولاده
ليه مش هنخلف عمر ومريم ويوسف ونور زى ما حلمنا نسميهم وليه ميجوش 
للدنيا وليه منعش عشان نربيهم على االلى تفقنا عليه ونخليهم يتجوزو اللى هما
بيحبوهم وليه اهلينا بيعملو فينا كده ليه بيحرقو قلوبنا بالشكل ده طب والنبي انا
راضيه زمتكو انتو انتى ماما جايدا وانتى رشا وانتى يا ريماس انا عمرى ما عملت 
حاجه تزعلهم دخلت الكليه اللى هما طلبوها منى عشان بس ارضيهم ودوست على حلم حياتى بأنى اكون مرشده سياحيه دخلت علمى مع انى ميولى كانت ادبيه وكنت بحب التاريخ عشان ارضى بابا اخدت عهد على نفسي انى اكون محل ثقتهم فيه وانى
اعمل اللى يرضيهم عمرى ما كنت برفع عينى فيهم عمرى ماكونت برد على حد فيهم
بلبس اللى ماما شيفاه مناسب وبحتفظ برأى لنفسي مكياج مبيخرجش عن كحل وزبدة كاكاو وده كله عشان اخلى ابويه فخور بيه ومخليش اى حد ف الدنيا يقولو كلمه تخلى يوطى راسه بين الناس عمرى ما وقفت ف بلكونه ولا شباك عمرى ماتكلمت مع اى ولد من جرنا ابدا وده كله كانت اختى بتعمله كنت بحس انى فخوره
بنفسي وانهم فخورين بيه لما يجى اى فرح من قريبنا والناس تقول لبابا وماما قدام
ماشاء الله عليكى يابنتى وعرفت تربي ياحج ولما يجى يتقدملى راجل عارف ربنا ملوش ف الدنيا غير امه واخوه المتزوجه وهو بيدرس ف كليه اداب انجليزى وعندهم شقه ولا هو من الشباب اللى مسقطين بنطلنتهم ولا هو من اللى بيلبسو سلاسل ولا حتى بيشرب سجاير يبقى ليه متجوزوش ليه طب بلاش اتجوزوه حد يقولى انساه ازاى واعيش من غيره ازاى وازاى اقدر اخليه ينسانى وانا عندى استعداد ابوس على ايد ورجل اى حد يقولى انساه ازاى والنبى حد يقولى بس قولولى حاجه غير الايام بتنسى وبكره تعيش وتفتكرى الايامى دى وكمان محدش يقولى صلى وادعى ربنا لانى مبعملش حاجه غير كده ليه بقى يبقى ده حالى انا عاوزه ارضى بالى جرالى بس مش عارفه

7 اراء تهم احيا بحبك:

ツSmiLeY AnGeLツ يقول...

منونتي حبيبة قلبي
اكيد في سبب خلي ممتك وبباك يرفضوه
اسئليهم ليه رفضوة
ليه قالوا لا
غير ده مابقدر اقول شي
ومابقدر اقول انسيه
لانك مابتقدر تنسية
ربنا يوفقك يارب
ويهدي اهلك ويعرفوا انت عايزة ايه

Casper يقول...

البوست أخذ شكل مشكلة أكثر منه تدوينة
لذا سأعرض رأيي فيما أرى

بسم الله الرحمن الرحيم
"وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون"
سورة البقرة

Nader Gad يقول...

صراخ المشاعر تحتاج دوما الى الهدؤ والروية ولاتقسوا على نفسك ومن حولك ---- للمشاعر محطات وومضات ولن تتوقف بمحطه واحده ---------- دعى كل شئ للاايام

تحياتى

♥نبع الغرام♥♪≈ يقول...

حبيبتى وروح قلبى وحشتينى اوى وبجد مفتقداكى اغيب شوية ارجع القيكى بالحاله دى بجد حاسه بيكى اوى وقلبى معاكى

وان شاء الله ربنا هيعوضك كل الخير

نفس اللى حصلك حصلى انا كمان
بس للاسف مش اهلى هو بعد ما عشمنى 8 سنوات ضيعتهم من عمرى معاه وعملت عشانه المستحيل اهلوا رفضونى وهو سمع كلامهم لو قلت ليكى قد ايه انا بموت باليوم الف مرة صدقينى محدش عارف الخير فين
ربنا معاكى حبيبتى واكيد هيكرمك

بسم الله الرحمن الرحيم
"وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون"

صدق الله العظيم

Noha Saleh يقول...

مش عارفة اقولك ايه
اسأليهم وناقشيهم
واعرفى ان ربنا مقدرلك الخير

غير معرف يقول...

صباح الغاردينيا منمونة قلبي
طبعاً انا سعيدة رغم حزنك لانك رجعتي للتدوين اما حكاية الحب بصي يامنه يمكن حكلمك زي مابكلم نفسي اوعي تتخلي عن حبك مهما كانت ظروفك ومش بقصد تعاندي اهلك لكن ماتتخليش عن انسان حبك الاهل حيجي يوم ويقتنعو انه من حقك تختاري شريك حياتك وتكوني معاه حاولي تدخلي حد من اعمامك او خوالك يقنع ماما وبابا بالشاب طالما هو رجل كويس ومافيهوش عيوب وانا متأكدة حتنحل الامور وبإذن الله تكونوا لبعض "
؛؛
؛
منه
ابقي طمنيني عليكي بليز
؛؛
؛
لروحك عبق الغاردينيا
كانت هنا
reemaas

كريمة سندي يقول...

هكذا هي العلاقات الاجتماعية المتشابكة والمعقدة من غير ليه!!!!

اللى بكتبو هنا بتاعتى انا وبس وبقلمى و اى حاجه مش انااللى كتباها بقول مين كتبها وده نادرلمايحصل. يتم التشغيل بواسطة Blogger.