26

سرٌ بِداخلي

الجمعة، 23 سبتمبر، 2011

خبأتُ سري عنك في أقصى نفسي

ما حدثتُك أبداً عن حُلمي

ولم أُخبرُك أبداً عن مدى ألمي

كان حُبك دائماَ يعبثُ ويلهو داخل قلبي

ولخوفي عليه من بطش قسوتك اخترت أنا صمتي

واستبدلتُ اعترافي لك بحبي على أن أحلم به في نومي

فتمادت أحلامي معك واليوم سأوأد حُلمي  

    وأدفنه داخل قلبي وسأُلملِمُ رماد حريق قلبي وأذهب في دربي

ولن أنساك أبداَ يا من أزهقت حُلمي

26 اراء تهم احيا بحبك:

Ramy يقول...

طب مش هتنسيه بحب

و لا بكره

هنا بقى النقطة الفاصلة ليكى

beautiful mind يقول...

اخترت الاصعب
لذلك قوني دائما قويه
وتأكدي ان قلبك هو من سيقرر
اين سيذهب

تحياتي لما ابدعت

Casper يقول...

خاطرة جميلة
ومعانيها في غاية الروعة

خالص تقديري لفكرك وقلمك
بالتوفيق

mena يقول...

Ramy.....

بحب طبعا بس أكيد جوايا هبقى شايله

اصل صعب أوى انك تفضل تحب ف حد وهو

حاسس وعارف بس بيستهتر بيك وبمشعرك

مش قادرة أقولك يا رامى بجد الاحساس

ده ممكن يعمل ايه فأى ست وبيوجعها

أكتر من الراجل بكيتيييييييييير

نورتى ديما كده منور الدنيا كلها

mena يقول...

beautiful mind....

عندك حق طالما انا اللى أخترت لازم أكون قد القرار اللى أخدته وعموما
مجدر انها بس بعدت ده ف حد ذاته قوة

متشكرة جدا على تشريفك ليا وحقيقي انا سعيده جدا يا ابراهيم انك أخير بقت متابعنى وبتقرالى ده شرف كبير ليا

mena يقول...

Casper....

متشكرة جدا يا كاسبر وده من بعض ما عندكم بس فينك يا راجل غايب بقالك حبه من أخر بوست مشفتكش يالا بسرعه عوزين بوست ف السريع عوزين نستمتع بجديدك

ريبال بيهس يقول...

صباح الورد

صعب جداً وأد الحلم فكيف استطعتي

سيدتي قتله في صدرك مهما كان حجم

ألمك ؟؟؟

هل تعلمين أروع ما قد يفعله الإنسان

هو ان يتصالح مع نفسه هنا كنت أتمنى

أن تبقي الحلم كذكرى جميلة مررت بها

مع مغادرتك لحدودها فطالما أن صاحب

هذا الحلم لا يستحق فلا معنى لجلوسك

في أوطانه ولكن لا تقتلي هذا الحلم

ولا تحرقيه ولا تنثريه فقط أبقيه فنحن

بشر تحكمنا ذاكرة تعيش ما حيينا و

عندما نقتل ونحرق سيبقى الألم فيها

مهما حاولتي التناسي ولكن لو صنعتي

من هذا الحلم الفائت أرجوحة صدقيني

ستعودين له في كل مرة لتتأرجحي على

لحظاته السعيدة بعيداً عن الألم ...

نص رائع وأحساس جميل .

تحياتي وإحترامي

eng_semsem يقول...

مش عارف ليه حسيت انك هتبعدي ومستنيه رجوعه ليكي او مستنيه النتيجه لو سال هترجعي جري عليه ولو مش سال هتعتبريه ماضي ولازم تدفنيه
تحياتي لكلماتك الجميله

mena يقول...

ريبال بيهس....

طبعا حضرتك عندك حق بس عارف ساعات من كتر ما بيكون اللى بنحبه مش حاسس بينا وبيستهتر بمشاعرنا بنوصل لاخرنا خلاص بنبقى عاوزين نمحى اى وجود ليه جوانا لاننا منكتر القسوة بنكون تعبنا
نورتنى واسعدنى جدا رايك ومشاركتك

mena يقول...

eng_semsem...

يمكن بس بيتهيألى ان الوضع اللى ألت اليه الامور ميبينش كده وعموما هبقى اسالها لانن الكلام عن صحبتى مش انا

نورتنى وتعليقاتك ليها وحشه انت كنت فين عاش من شافك

خواطري مع الحياة يقول...

لو كان قلبي بيدي لقدرت ان ابعد الحب الذي اتعبني
الذي كان في يوم ومازال يحييني كل مااصحى من نومي

كلمات صعبة جدا
حاولي تبعدي شوية لانك كده هتتعبي كثيييييييييييير

اعذريني ياروحي ع تأخري والله غصب عني
طمنيني عليك
يارب تكوني بخير
وحشااااااااني موووووووت

تقبلي مروري ^_^

خواطري مع الحياة يقول...

ايوة نسيت اقولك الف الف الف الف مبروك ع النيولوك الجديد رغم انها متأخرة
تحــــــــــــــفة
بس لو تقدري تغيري لون كتابة التعليقات عشان يبان التعليق

^__^

ريــــمــــاس يقول...

صباحك غاردينيا منه
الا الحلم يامنه لاتحاولي وأده ولو في صدرك أتعلمين أن أجمل مافي أحلامنا أنها تستمر وتحيا على أنفاسنا وتكبر على إيماننا بها "
؛؛
؛
رغم وجع نصك أحببته جداً
تسلم الأنامل والإحساس
لروحك عبق الغاردينيا
كانت هنا
reemaas

mena يقول...

خواطري مع الحياة....

رشا يا حبيبتى ربنا يخليكى ليا

متقلقيش عليا يا قمر ده مجرد خاطرة

عابره انا الحمدلله كويسه ومفيش حاجه من

الكلام ده ده بس مجرد خاطرة

انتى كمان وحشانى مووووووووت يا عمرى

mena يقول...

خواطري مع الحياة....

ميرسي يا عمرى ربنا يخليكى

ليا وميحرمنيش منك هحاول اغير موضوع

التعليقات ده اصل صحبتك غلبانه اوى ف

الحكايه دى

mena يقول...

ريــــمــــاس ....

تسلميلى انتى يا عمرى ويخليكى ليا

والله ساعات الحاجه لما نمكوتها جوانا

بتقى احسن واريح

ahmed يقول...

انا اسف جدا لاني بقالي كتير مدخلتش عندك بس غصب عنى وان اللى خسران طبعا بس انا شايف تغيير ملحوظ طبعا للاحسن وكمان النيو لوك رائع بس محتاج تغيري خط الكومنتات لانه مش واضح وكمان العناوين الجانبيه. اقبلي اسفي وبالتوفيق دائما.

د.ريان يقول...

مساء الخير منه

وبوح جميل ومؤثر منكم

ومبروك على الستايل الجديد حلو ورائع

دمتم بخير

كلام من قلبي يقول...

من يحطم الاحلام لا يستحق ان يذكر
لكن للاسف القلب اذا احب شخصا ختى وان دمره شخصيا يظل يحبه
وهية دي قسوة الحب

الاحلام يقول...

شعور الحب من طرف واحد هذا الحب الصامت الذى يلهو داخل قلب الانسان بدون ان يشعر به الحبيب .الحب من طرف واحد اسهل حب يموت قبل ان يولد او بمعنى ادق يولد ميت فلن يخرج الى النور مع انه يكن انقى حب واطهر حب على الاطلاق
كلمات رائعه نابعه من قلب رقيق من خلال احاسيس مرهفه
تحياتى ابوداود

mena يقول...

ahmed....

احمد على ايه بس الاسف انا عارفه انك من المتابعين ليا ومن الناس اللى كانت بتشجعنى من أول ما كتبت ومتشكرة جدا انك نورتنى وكررها بقى ومتنسناش

mena يقول...

د.ريان....

مساء النور يا دكتور المكان نور والله

اسعدنى تواجدك جدا وياريت يكون فعلا

اللوك عجبك دمت بخير

mena يقول...

كلام من قلبي...

عندك حق والله يا قلبي

انتى عامله ايه وحشانى

فينك من زمان مش ظاهره ليه

وحشانى جدا والله يارب تكونى بخير

mena يقول...

الاحلام...

استاذ ابو داوود حضرتك

اكتر حد فهم بالظبط انا

عاوزة اقول ايه تحياتى

لك ولفكرك الناضج

ياسمين محمد يقول...

منه بجد كلامك حلو اوي ولوك المدونه بجد مشاء الله روعه ويارب تفضلي مبدعه ع طول في كتباتك وميرسي ليكي اوي ع تعليقك الجميل في مدونه الحنين محمد حسن

mena يقول...

ياسمين محمد...

متشكره ليكى يا قمر

وعلى ايه بس يا جميل

انتى فعلا تستهلى كل خير

Google+ Badge

اللى بكتبو هنا بتاعتى انا وبس وبقلمى و اى حاجه مش انااللى كتباها بقول مين كتبها وده نادرلمايحصل. يتم التشغيل بواسطة Blogger.