16

كل سنة وانتى طيبة يا دينا ياأجمل وأرق بنت في الزمن ده ...(14)

الجمعة، 2 ديسمبر، 2011

كل سنة وانتى طيبه كل سنة وانتى فرحانه كل سنة وانتى سعيده 
كل سنة وانتى بصحة كويسه كل سنة وانتى محققه كل أحلامك

معرفش بقى عندك كام سنة دلوقت بس يارب عقباااااااال مليييون سنة حب وفرحة وسعادة

انتى يا دينا جميلة اوى بجد وتستهلى كل خير انا والله فعلا مبسوطة اوى انى اتعرفت عليك
لانك بجد من الناس اللى الواحد يفتخر بمعرفتهم وانا بقى هحاول اعبرلك عنى حبي ليكى 
ودى مش معاكسة زى كل مرة لا دى فعلا بحبك وبعتبرك صديقتى وزى اختى وفعلا غاليه
عليا و انا بقى هعملك بارتى صغير كنت اتمنى لو حقيقي بس للاسف مش هينفع المهم متنسيش 
بعد الليلة دى ما تخلص لازم نقعد ونتحاسب ونشوف انا صرفت كام على البرتي دى معلش بردو
ان كنتو خوات اتحسبو والحق ميزعلش حد ههههههههههههه انتى عارفه بقى الظرووف ^__^


اولا المشاريب ودى بالشيئ الفلاني انا وانتى بس اللى هنشرب

ثانيا بقى التورتاات بس انا اللى هاخد ام شيكولاته معلش عشان منتخنقش من اولها 
ودلوقت جه دور الهدايا بس لو حد جبلك اى حاجه تانية بالنص يعنى ففتى ففتى ماشي بلاش طمع
عشان تنزليلنا بوستات حلوة حتى هو رقيق زيك
والدبدوب بقى عشان الحب الحب الشوق الشوق ^_^

 والورد للى ارق من الورد 
بس بقى عدى الجمايل واعملى جمعيه من دلوقت عشان 
يدوب تقبضيها على شهر اربعه اللى جاى عشان تردى
كل جميلى اللى مغرقاكى هههههههههههه اه كنت هنسى 
هو4/8 متنسيش هاااااااااا هههههههه انا طبعا بهزر وبجد العمره كله يا قمر
~~~~~~~~~~~~~~~~~~~~~~~~~~~~~~~~~
يالا حالا بالا بالا حيو أبو الفصاد هيكون عيد ميلاده الليلة اسعد الاعياد فاليحيا ابو الفصاد هاااااااااااااااااااه


16 اراء تهم احيا بحبك:

Bent Men ElZman Da !! يقول...

مش عارفه اقولك ايه يا منه والله
انتى مش متخيله انا اتفاجئت اد ايه واتصدمت وازبهليت من البوست بتاعك ده
بجد مبسوطه اوووووووووووى اووووووووووووووووى
انا بردو قولت معاكستك ليا من الاول دى مش هتيجى بالساهل هههههههههههههههههههههههه
بجد مش تخيلت ان حد هنا يعمل معايا كده
ربنا يخليكى ليا يا روح قلبى ومش يحرمنى منك ابداً
وان شاء الله فى عيد ميلادك هادخل 3 جمعيات مع بعض واقبضهم الاول عشان اعمل عيد ميلاد يليق بيكى :)))))
تسلميلى وتسلم ايدك
بوسه كبيره خالص ااااااد كده ليكى ♥♥♥

ريــــمــــاس يقول...

صباحك غاردينيا يامنة
يارب يارب اكون اول وحدة اعلق عشان اشرب من المشاريب والجاتو بالشوكلاته
<<< داخله على طمع
اممم كل سنة واحلى دنيا بـ الف خير
وكل سنة واحنا متجمعين كدا بالحب
ويارب تبقى سنة حلوة عليكي يامنة انتي ودينا :) "
؛؛
؛
لروحك عبق الغاردينيا
كانت هنا
reemaas

faroukfahmy58 يقول...

يعنى ريماس سبقتنى وخلصت الجاتوهات لواحدها الغلطة غلطتى الى جيت واخرى
كل سنه والكل فى خير
الفاروق

faroukfahmy58 يقول...

يعنى ريماس سبقتنى وخلصت الجاتوهات لواحدها الغلطة غلطتى الى جيت واخرى
كل سنه والكل فى خير
الفاروق

ساسو يقول...

كل سنه ودنيا الجميل بخير
ويارب تبقي سنه سعيده عليها وعلي قلبك يا اجمل منون
وحشتيني موت يا حياتي

كلام من قلبي يقول...

ازيك يا منة
والله وحشاني بس هيا الامتحانات
كل سنة وهية طيبة
والعمر كلو ان شاء الله في سعادة
وربنا يفرح قلبها يا رب ويسعدكوا

beautiful mind يقول...

ربنا يخليكم لبعض يارب
وكل سنه وهي طيبه

الاحلام يقول...

منه
القلب الكبير دايما يجمع الناس حواليه وانتى اكيد قلبك كبير على شان كده بتحبى كل الى حواليكى وهما كمان بيحبوكى كل سنه وانتى بخير وتحتفلى بعيد ميلاد احبابك
اسمحيلى اروح لغايه دنيا واقولها بنفسى كل سنه وهى طيبه ونستمتع بالجوائز والحلويات هناك
دمتى بخير ابوداود

mena يقول...

Bent Men ElZman Da !!....

متقوليش أى حاجه انتى تستهلى اكتر من كده بكتير وبعدين اعملك ايه ما انتى اللى موزة امورة وغصب عنى لازم اعاكسك وهو فعلا يدوب 3 جمعيات بس هاتى الفلوس وملكيش انتى دعوه انا هجيب كل حاجه انا بقى حقى ناشف ههههههههههههه

mena يقول...

ريــــمــــاس...

صباح الورد والفل على عيونك يا جميل نورتى البارتى

بس انتى غلبانه وانا بحبك هبقى اديكى حتت تورته بالشيكولاته ^_^

mena يقول...

faroukfahmy58....

ماهو انت اللى جيت متاخر نعملك ايه بقى خلاص هبقى اديك شمعة من اللى فضلو ههههههههههه

mena يقول...

ساسو...

وانتى كمان وحشتينى موت يا بت انتى يا بت انتى صحيح مش بتفتخى يا هو ليه عاوزة ارغى معاكى كتيييير

mena يقول...

كلام من قلبي....

والله انتى كمان وحشانى بس انا مخصماكى يا وحشة انتى بس هسامحك عشان الامتحان

mena يقول...

beautiful mind...

ميرسي يا ابراهيم وانت طيب

mena يقول...

الاحلام....

متشكرة جدا يا ابو داوود نورت المكان ويارب عقبال ما نفرح معاك بعيد ميلادك وايامك كلها تبقى افراح

حياتى يقول...

انا يمكن اول مره ازور المدونه بتاعتك بس بصراحه ملقتش غير الكلام الحلو ده اللي بيدل ع اجمل اصحاب واجمل اصدقاء بجد ربنا يخليكوا لبعض يااااااااارب ومش يحرمكوا من بعض وبجك كلام جميييييل اوي منك ليه يارب متحرم حد من بعضه يارب ان شاء الله

Google+ Badge

اللى بكتبو هنا بتاعتى انا وبس وبقلمى و اى حاجه مش انااللى كتباها بقول مين كتبها وده نادرلمايحصل. تدعمه Blogger.