17

مصر بعيون ابويا

الأربعاء، 7 ديسمبر 2011

أنا هتكلم عن مصر بعيون أبويه
هتكلم أنهارده عن مصر اللى عشت براها
  أكثر من نص عمري
وانا طفلة كنت بقول لبابا هى مصر دى عامله ازاى 
كان يقولي: حلوة اوى.. في الشتاء دافية..وفي الصيف صافيه 
في رمضان كل البيوت بتبقى بيت واحد 
وكل الناس بيدقو من اكل بعض والفوانيس هى اللى بتنور الشوارع 
والناس فيها بيتلمو في الحزن قبل الفرح
ومحدش فيها بيدور للتانى على جرح
ووقت الشدة بتلاقي في ضهرك ألف راجل
في اللى يخدم واللى يسند واللى يجى يجامل 
.. ..
 ..
بابا خلانى أشوف مصر جنة بتمنى أعيش فيها
ولما رجعتها حبتها وحبيت أهلها 
بطابور العيش والمواصلات الزحمة وغلاء أسعار اللحمة 
وبرغم ان كل دى مشاكل وحاجات ممكن تخلينى محبهاش
الا انها بتتحب 
غصب عنك لازم تحبها 
متعرفش ليه 
وكأن هواه في أنزيم بيشدك ليها 
حاجه كده تخليك تعشق ارضيها وتدوب في شوارعها وحواريها
كنت كبيرة لما رجعت مصر 
ولما نزلت أغنية شيرين 
(( ممشتش في حواريها طيب مكبرتش فيها ولا لك صورة على الرمله كانت ع الشط في موانيها))
بكيت وقولت جوا نفسي أنا معملتش ده
بس بردو بحبها
مصر زى ما النيل شريانها 
هى كمان شريان ولادها
يعنى غصب عنك بتجرى ف عروقك
من غير متشوفها ولا تعرفها ولا حتى تتربى فيها 
دى أم الدنيا وتربها ونيلها وهواه محليها ربنا يحميها

17 اراء تهم احيا بحبك:

Bent Men ElZman Da !! يقول...

"غصب عنك لازم تحبها
متعرفش ليه
وكأن هواه في أنزيم بيشدك ليها
حاجه كده تخليك تعشق ارضيها وتدوب في شوارعها وحواريها
كنت كبيرة لما رجعت مصر "
بنحبها بكل ما فيها
حتى بيعيوبها حته من الجنه
البوست حلو اوى
تسلم عيون باباكى يا منه :)
وتسلم ايدك يا قمر

غير معرف يقول...

صباحك غاردينيا يامنه
يالله يامنمونه قد ايه حبيت البوست دا
طب انا عندك سعودية كنت بسافر وانا صغيرة مصر كنا نصيف هناك رحت اماكن كتيره فيها بفتكرها زي الحلم تعرفت على ناس لسى صحاب ماما لغاية دلوقتي عندي البوم صور كبير لمصر وانا بلعب وعندي خمس سنين في بحر اسكندرية واماكن كتير زي الغردقه وشرم الشيخ وغيرها ومع اني مش مصريه بحس بحب كبير لمصر ويمكن عشان كدا بحب المصريين اوي وبحبك اوي بجد يامنه دمعت عيني البوست دا بحسك كتبتيه بكل احساس وربنا يحمي مصر "
؛؛
؛
لروحك عبق الغاردينيا
كانت هنا
reemaas

Casper يقول...

بغض النظر عن كل المساوئ اللى فيها
بس لازم نحبها

=========

بوست متميز
خالص تقديري لفكرك وقلمك

AHMED SAMIR يقول...

فعلا........
فيها حاجة حلوة

faroukfahmy يقول...

منه مصر بعيون ابويا
كلام جديد وحديث بثوب الحب الخاص المنسوج بالخيوط الرفيعة والعفيفة والنقية والزكيه
دخلت الى حوارى وازقة ومآذن جوامعنا ورمضان وفوانيس مصر
كتابات عفوية وعميقة لاتستحق فقط النظر ولكن الدراسة فى كنوز مصر وطبيعة مصر واولادها وما اثمرته من خيرات الدنيا اخصها الله فى قرآنه وذكرها لعباده
الفاروق

miroooo يقول...

كلامك جميل اوى يا منون
بجد كل كلمة حسيتها اوى ده احساس اى حد عايش فى مصر بجد
عمرنا ما نعرف نبعد عنها
ربنا يحميها و يحمى اهلها
تسلمى على الكلام الجميل ده
و شكر خاص لوالدك اللى حببك فى مصر
تحياتى

Rozy يقول...

وما من حديث أجمل من الحديث عن مصر وعن الحب الذى نولد محملين به تجاهها وبتلك العاطفة وذلك الرابط المتين الذى يربطنا..

نولد وفى قلبونا بذرة حب تجاه هذا الوطن تنمو وتكبر معنا الى أن تصير
ذات جذور وأصول قوية ثابته راسخة
لا تؤثر بها رياح الأيام ولا مصائب الدهر نبقى هكذا دائماُ نحمل لها حباً لا يتغير ولا يتبدل..

نثرتى هنا نثرات من الوطنية
والحب العفوى الصادق والكلمات
البسيطه الممزوجة بأنقى المشاعر
كنتِ رائعة منة وكان النظر على مصر
بعينين والدك نظرة أخاذة ..

بوست مميز ورائع تحياتى لكِ.

روزى

موناليزا يقول...

مصر.. كلنا بنحبها ويصعب أن نصف حبنا لها

Unknown يقول...

Bent Men ElZman Da !!...

تسلميلى يا دندون يا قمر

Unknown يقول...

ريــــمــــاس....

والله ما عارفه اقولك ايه غير انى اقسم بربي بحبك ودموعك دى غاليه عليه اوى ربنا ابدا ما يحرمنى منك يا عمرى

Unknown يقول...

Casper....


متشكرة يا كاسبر كلك زوق

Unknown يقول...

AHMED SAMIR...

فعلا جدا نورتنى

Unknown يقول...

faroukfahmy58...

عندك حق في كل كلمة قولتها ويكفينا فخرا اننا من بلد زكرت في القرأن الكريم نورتنى

Unknown يقول...

miroooo...

ميرسي يا ميرو ربنا يخليكى ليا انا واللله بحبك اوى وبجد باابا بيشكرك على شكرك ليه

Unknown يقول...

ღ..Rozy.. ღ....

ربنا يخليكى يا قمر والله انتى اروع وانا بععشق الوقت اللى بكون فيه عندك فى مدونتك نورتينى

Unknown يقول...

موناليزا...

اكيد طبعا بس اهو الواحد بيحاول يفلفص شوية من المشاعر في الكلام

الاحلام يقول...

حتى فى حب الوطن مميزه
كتاباتك عن الحب والرومانسيه جعلكى اكثر نضجا فى الكتابه حتى وانتى تكتبين عن الوطن شعرت بالحب والرومانسيه فى الكلام جعلنى اعشق مصرنا الحبيبه اكثر واكثر
اتمنى من الله عز وجل ان تكون مصرنا اكثر جمالا وحريه وان تكونى اكثر سعاده ونقاء
تحياتى ابوداود

اللى بكتبو هنا بتاعتى انا وبس وبقلمى و اى حاجه مش انااللى كتباها بقول مين كتبها وده نادرلمايحصل. يتم التشغيل بواسطة Blogger.